Posts

Showing posts with the label انا وانا مش انا

خوف

صديقي،لقد غزا الخوف قلبي. لقد أصبح الخوف جانب قلبي الأيسر،لا اتحرك الا به،أستيقظ به وأنام به. لقد أصبحت أخاف من الناس،ومن التفكير،من الحلم،من غدا وما يحمله،باختصار يا صديقي،لقد أصبحت أخاف الحياه. كل كلام التهدئه المحفوظ قُلته لنفسي،لكنه لا يجدي. لقد أصبحت أخاف من نفسي،مما قد أُفكر به،أصبحت أخاف من الفشل. لقد تحولت لشخص أخر لن تتعرف عليه،لأنه يبدو انني حتي لم اعد اعرف نفسي. كنت قبلا اعرف كالطبيب،ماذا يؤلمني؟وكيف سأُعالجه. لكن الأن،وكأن كل شخصياتي الأسطوريه تتصارع بداخلي،ولا تميل الكفه ناحيه ابدا. ماذا  تظن انه يجب عليّ فعله؟ هل نبدأ من لحظه الاستيقاظ؟،أم لحظه الخوف من كل شخص يمر بالشارع؟حتي وان كنت وحدي لا افعل شيء. وتزداد الحاله صعوبه عندما أصور.

.

مُحاربه الإكتئاب ليست بالمهمه السهله البسيطه. إستيقظت اليوم وأنا لا أرغب بأن أفتح عيناي حتي،كنت أُحارب الرغبه الشديده،في أن أُغلق عيني،و أسحب غطائي علي جسمي،وأنام . هل كنت أطير في الحُلم؟. أعتقد ذلك،كنت أطير خارج الكوكب،كنت حامله لكاميرا،لا أتذكر سوي هذا من الحلم الاخير. الأن واقع،وانا لا أُريدأن أعيشه. قبل أن أنام توقفت عند خبرين،طالب جامعي تم القبض عليه في الغربيه لتصوير مبني محكمه،أصبحت الكاميرا والصوره تهمه،ثم جاء من رُكن في الذاكره كل من يقبع في السجون بسبب كاميرا،وتمر الحياه،وهم ليسوا هنا. الخبر الثاني كان لاجئه سوريه تقتل طفلها المصاب بالتوحد بحقنه بنزين،بعد ان فشلت محاولتها الاولي،في الاردن. كيف أعيش في عالم كهذا؟. الأعجب اني لا اري الام قاتله،ولا شريره،هي أردات ان تُرسله لعالم أرحم به منا،أرادت أن تُريحه من عذابه،وعذابه فقط وجوده علي قيد الحياه. لكن ما بقي في تفكيري،أن غالبا ستلحق به الأم قريبا،لن تتركه وحده،ولن تعيش بذنب فعلتها. تركت السرير مُكرهه،و حاولت تقويه الفُقاعه المُحيطه بي،والتي تبدو في أسوأ أحوالها. وكأن حالي ينقص مزيد،جائنا زائر مهندس معماري،و...

عُزله

ينتابني روح العُزله هذه الأيام. أصبحت أكثر حساسيه تجاه الكون والناس،أشعر بأنه يجب عليّ أن اعتذر للكون عن وجودي،وازعاجه بأصوات أفكارى المُزعجه. بعدّت عن الأصدقاء والأسره وتأتيني لحظات ساهمه،غير مفهومه ليلاـحيث تكشيره وجهي هي المُسيطره. ويبدأ صوت جديد عليّ،في نهشي. قد أكون في مرحله انكار أن هذا اكتئاب،لكني أُقاوم بابتسامه الصباح. لعل وعسي.

عوده

مرّت 20 سنه،لم أكتب؟،أم انها فعليا 30 سنه ؟ كيف يُمكن حسابيا ان يمر في عُمرك البيولوجي شهر،وعُمرك الروحي سنوات؟،ويهرم جسدك وانت بعد شاب؟. أخر بوست كتبته كان في شهر 4،الروح التي كتبته غير الروح التي تكتب الأن. لو أن هناك اثبات عن أنه لا شيء دائم في الحياه،فأنا دليل حي. تغيرت علي تغيرات متغيره تغيرت فيّ. كنت كمن يمتليء لأخره،ولا يعرف كيف يًفرّغ كل هذا واين ؟،وصلت لمراحل جنون ومراحل اكتئاب لا يعلم مداها الا الله. كنت أتمني أن اكتب،كنت أتمني أن  أُفرغ كل هذا . الحياه ليس لها قواعد ولا قوانين.ومن قال عندي الحكمه،فهو لا يعلم شيء. عُدت للكتابه لأكتشف نفسي الجديده،كنت أبحث عني،ويبدو أني تُهت بحثا. والأن أبحث عن نفسي التي ذهبت للبحث عني. وأصبحت أرواح مُركبّه. أو تركيبه.

تشوش

بقالي كتير اوي مكتبتش . كبرت اوي في الفتره الي فاتت  كبرت واتغيرت .. ومبقتش عارفه اسيطر علي اي حاجه  كله بيحصل وكله من غير اي سيطره  مبقتش فاهمه نفسي . ولا عارفه انا رايحه فين ولا عايزه ايه ؟ مبقتش افرح اوي ولا احزن اوي .. بقيت في مرحله متجمده من اللامبالاه  بشتغل زي الحمار وبس  عمري ما رضيت عن نفسي . عمرى ما حسيت اني شاطره ولا موهوبه  شغل جديد وكل يوم بتعرض لمواقف مختلفه وبتعلم منها  ورشه جديده واجانب حاولت اساعدهم وبقي ليا اصدقاء كتير  وده خلاني منشغله . بس لسه مش انا  لو كلمه تشوش ليها تجسيد . فهي أنا  و عندي وجوايا كلام بالهبل .. عندي تجارب وعندي مشاعر تجاه حاجات كتير وحتي مش عارفه أكتب  خسرت ناس , وخسرني ناس  كسبت ناس ولسه مكسبتش نفسي .
فى حاجه غلط .. مش معقول كل الناس دى غلطانين  ... انا بقيت مؤمنه ان فى حاجه غلط فى تعاملى مع الناس  . مش معقول انى اتجرح كده من كل التعاملات ... ولما فكرت ثوانى .  انا مش كسبانه حاجه  .. انا مبقتش انا اللى اعرفها  وجزء كبير من ده واضح فى تعاملى مع الناس  .. يا بخسر ناس فى حياتى وانا بحبهم  يا بعاملهم وحش على اساس تهيؤات فبخسرهم وانا مش عايزة اخسرهم .. يا ناس فجأه تبعد عنى .. وانا مكنتش عيزاهم يبعدوا عنى يا ناس بتقرب منى وانا مش مستريحه .  فخسرت اصدقاء  .. ولما لقيت ان النتيجه واحد فى كل الاحوال  . يبقى انا احسن لوحدى من غير الناس .  ... اتغيرت كتير عن زمان .. كنت بحب اتعرف على ناس جديده  كنت بحب الناس عموما .. مكنتش بخاف حد يفهمنى غلط  كنت بشوف الاصل فى الناس الكويس و الخير  كنت بحب اقعد ارغى مع اصحابى  واحكى ايه اللى حصل فى يومى ..وانا عملت ايه ؟ دلوقتى صعب اوى حد يكلمنى وابقى عايزة احكى هيا الحمد لله وخلصنا  لان كل مرة ... يسألنى صديق .. مال صوتك ... وانا زهقت من كل ...

تانجليد

Image
اتفرجت على فيلم كارتون  ... ممكن ده يبقى حاجه عاديه خالص  .. بس انا شفت قصتى فى الفيلم ده . او الحقيقه ..فى نص الفيلم الاولانى  بغض النظر عن قصه الفيلم الا واقعيه  .. نقطه من الشمس وقعت على الارض ... كونت زهرة  ولما الملكه تعبت وهيا حامل ... كل المملكه كانت بتدور عليها .. شُفيت الملكه .. وخلفت بنت شعرها ساحر ... من الشمس  .. حاولت طبعا الست الشريرة انها تستفيد من القدرة السحريه لشعرها فى جعلها دائما شباب  فخطفتها ... ووضعتها فى برج عالى .. لمده 18 سنه  خلقت جواها الخوف من العالم الخارجى ... انها مستحيل تطلع بره  لأن العالم الخارجى مليان قُطاع .طُرق .. ووحوش .. لكن هيا مقدرتش تمنع نفسها ... وهيا اللى بتتمنى من 18 سنه تشوف النجوم اللى بتظهر بس يوم عيد ميلادها  " اللى هيا مصابيح بيطلقها باباها ومامتها . فى يوم عيد ميلادها " .. فخدت المجازفه .. وخرجت من البرج .. للعالم الخارجى ... اكتشافها للعالم بره  و صراعها الداخلى من غضب مامتها " اللى هيا الست الشريرة ". م حاولت تعيش تجربه  ... بس فى ...

غضبانه

انا غضبااااااااااااااانه  .. انا مش لاقيه كلمات .. ومش لاقيه افعال ... معتقدتش ان اللغه العربيه وصلت لكمات توصيف لحالتى دلوقتى  .. المفروض انى فنانه ..آل يعنى  والمفروض انى انزل اصور فى الميدان .. و طبعا حاولت انى اطلع فوق عمارة علشان اصور  وايه كل النسا دى اللى عايزة تتطلع " تتفرج " من فوق ؟؟  هبل !!  وبعدين واحد يعرض انه يساعدنى ويطلعنى ..بس بشرط ..ياخد الكاميرا ...  هو انا بس اللى بقابل معاتيه ؟ ..ولا دول موجودين وكل الناس عارفه ؟ .. .. وبعدين ربنا يوقفلى مصور ابن حلال يحاول يساعدنى ... ويانهار احوس على اللى هببه فى حياتى  .. انا شاكرة جدا ليه .. وفعلا ..هو حاول يساعدنى  :) .. وبعديين اقعد انا الف الف حوالين نفسى .. واحس انى مخنوقه .. انا هاروح ازاى .هاخرج ازاى ؟ ..ده طبعا غير الناس الزوق اوى اوى .. اللى ااقولها عايزة اعدى ..فتفتح صدرها اوى .. علشان ميبقاش فى مكان اعدى منه  ..  انا جالت ىفكره جهنميه وانا هنالك .. احنا نعمل هدوم متكهربه  ونعمل جزء حساس فيها ... بحيث لو المسه زادت ...

مأريفه

 مأريفه ... هيا دى حالتى  ..متضايقه .. وعندى نقص رغبه فى فعل اى شىء  ..  معنديش اى كلام يوصف حالتى .. كل ما احاول اقاوم ..يجى الموقف ورا الموقف  يضايقنى اكتر .. يارب  انت العالم ..  .. انا مش محتاجه اى حاجه اكتر من شوية راحه  وشوية حنيه .. على شوية فرح  مش كتير والله  ..  قم نحرق ها المدينه ....ونعمر واحده اشرف  ... قم ننسى ها الزمان ونحلم بزمن ألطف  .. كان بدى غير العالم ... مش عارف كيف العالم غيرنى  .  .. 

بدون عنوان

أكتب ايه ؟ ..  ... قلبى بقى مُثقل ..  . جسمى مرهق     اعصابى مستنفزة .  . ..عقلى مُتعب  . ..  مبقتش عارفه اختار اللى اكتب عنه    مبقتش ااقدر ارتب افكارى زى ما كنت  .. . ولا بقيت ااقدر انتقى كلمات .. تتكّون مع بعض وتعمل نسيج حلو .. . . . مش عارفه ده تحول جديد فى شخصيتى ؟ ..ولا ده نتاج  لمواجتهى لنفسى .. .  وعُزلتى الاجبارة اللى فرضتها على نفسى  . .  عارفه انى بكدب على نفسى كل يوم وانا بقول انى مش محتاجه حد  . . وانى كويسة وانا لوحدى  .. عارفه انى بضحك على نفسى  .. . بس اعمل ايه ؟ لو قولت الحقيقه لنفسى . .. هاتعب اوى  . هاتعب لانى مش قادرة  .. ارضيها .واريحها  وفى نفس الوقت ..لو قولت لنفسى الحقيقه ..  هيكون خطر عليا اوى  ..  فانا اقنعت نفسى بان افضل ما يكون ..هو الوضع الحالى  . ..  مع افكارى اللى رايحه جايه منير كان بيقولى  ::  مش عايز بكره يفوت و انا لسه بموت و الليل عمال يجرح و الوحدة تزيد النار و تزيدني مرار و الحزن يبات يصبح. ...

تويتر

تويتر ...كان  ولم يبق  كما كان  ..كنت بحب تويتر جدا ..كان دايما سبب بهجه فى يومى  كنت بحب الناس اللى بكلمها ..ومش بملّ. من الكلام معاهم ليل نهار .. امتى الارواح اتشوهت وبقت بالقُبح ده ؟ .. امتى بقوا آلات .. مش بنى آدمين ؟....  أين اختفى البنى ادم بداخلهم ؟. . هل الشاشه . تقتل جزء من احساسك بذاتك ؟.. وتُجبرك على ان تُبرز اعمق اعماق اسرارك  امضيتُ..أيام اُراقب تويتر من بعيد  .. تشوهات ..وتقيحوات .. وقُل كل ما تحب  من هؤلاء ؟.. اهذا نحن حقا ..ونخفى هذا تحت ستار من " المجتمع .العادات .التقاليد ؟". و من هذا اللى يفخر بان يشتم نفسه ؟. ويُسمى نفسه بشتايم  ..عندما لاتراودنى اى رغبه فى ان اكتب كلمه !! كل ما اثق فيه أن اختفى تويتر الذى اعرفه .. الناس اللى تهمنى من تويتر .. اعرف اصل ليهم بطُرق اخرى  تويتر  . اسفه ..لكنك لن تظل صديقى كما كُنت  اصبحت خطر عليّا  اصبحت مصدر حُزن من العوار والكشف الذى تستلذ به  أصبحت مصدر توتر ...لا احتاجه  عن طريقك ... عرفت بشر .. كنوز كان مستحي...

مبحبنيش

كل مرة الحلم غريب .. بس دايما بيكون اسقاط من الاوعى . لما يحدث فيا  .بقالى فترة متضايقه من نفسى .. مش حبانى .. وده زياده عن العادى ..او عن المعتاد اللى انا عرفاه الصوت الداخلى اللى مبهدل امى ومش بيرحم .. زايد اوى  اليومين دول   افكر اعمل حاجة .. ااقول هاعملها ... عملتها اتضايق انى عملتها ... معملتش حاجة اتضايق  .. دماغ جزمة  .. مبحبنيش وانا ضعيفه .  مبحبنيش وانا مش عارفه مالى والضيقه دى هتقعد كده كتير ؟ . الحلم دايما ان اصحابى بيتخطفوا ... ودايما مش عارفه اساعدهم  انى بدور عليهم .. مش بلاقيهم ..وحتى لما الاقيهم فرحه ومبسوطة  بيكونوا هما متضايقين انهم شافونى اصلا   احساس انى ثقيله على قلب الناس .. حاجة حلفتها على نفسى  حلفت ان فى اللحظة اللى مليش لازمة ..اللحظة اللى حد متضايق منى .. مش هكون موجوده .. مبحبنيش وانا مش عارفه ارتب افكارى حتى لكتابه بوست صغير  .. 

أنا كويسه

انا كويسة ...انا كويسة ...انا كويسة  .. مبقولش لنفسى حاجة تانيه غير الكلمه دى .. وانا ماشيه  وقبل ما اانام وقبل الاكل وبعده كمان .. ليه مش قادرة اصدق نفسى ؟ . ... بقولها احيانا كتير اوى .. لدرجة انى قربت اشتم  . مبقتش عارفه مالى ؟ . 

انا هربانه

عايزة أهرب  ..  طب ما تهربى .. ..  هاهرب  انا بهرب .. 

...

... كل اعراض الانسحاب .. انى مش عايزة احكى ...اكتئبت .. بحلم احلام يقظه عماله اشوف بحر .. واشوف صحرا .. واشوفنى . وانا مش هنا بكل شكل عندى رغبه شديده . انى اترمى فى حضن "يُحضُنى ". وبس بقيت احط كُحل بس علشان امسحه قلعت حلقى اليمامه :( قفلت تويتر والفيس بوك  بعد ما ارتجعت القوقعه داخلى   .. اتمشى تحت الشمس ..مخدتش بالى الا لما احس ان وشى اتحرق .. وافكر وافكر وافكر ...فى اى كلام . .. مش طبيعى ابدا ..انى تعبانه بقالى سنتين يعنى مش طبيعى ومش منطقى .. مينفعش ومينفعش انى ااقول لنفسى مينفعش غير انى اكون كويسة انا على طول كويسة .. على طول . قوية على طول لازم اعمل اللى المفروض اعمله على طول بضغط على نفسى ... يعنى يوم هاروح امضى استقالتى .. ويبقى عندى صداع .. رجلى وجعانى .. ومعتذرش ..انا مش مركزه .. ومشوشره.. ومتوتره .. ده غير انى خايفه .. مش عارفه هل انا ". غاويه نكد "؟.. ولا انا بحبكها ومش باخد الدنيا بسهوله ؟..  مش عارفه ..ومبقتش عارفه ... واللى كنت عرفاه مبقتش عارفه هو صح ولا لأ ؟ .. مش عارفه هستحمل العرض المستمر ده ؟ .. هست...

احيه احيه .فى ايه ؟

Image
... مش قادرة ابطل اسمع الاغنيه دى ... مع انها مش العادى بتاعى انى اسمعها .. ليه فى جاذبيه شديده للاغنيه دى دلوقتى ؟ ...

خوف

انا خايفه ..

بدون كلام

عايزة اكتب ... علشان اخرج كميه الاحاسيس المختلطه ..المختلفه ..المتصارعه اللى جوايا  ... بس مش عارفه  حاسه انى عايزة اكتب حاجات خزعباليه ..ملهاش اى معنى  ..بس فى نفس الوقت عايزة اكتب حاجة فى منتهى المنطقيه والوضوح .اللى فى الدنيا  .. نفسى كتاباتى ترجع دكتورى النفسى تانى ...لانى مش بكتب علشان "اوصف نفسى ". انا بكتب علشان "اعرف نفسى ".. ا وانا بكتب بحس انى بدخل جوايا .. ماسكه شُعله نور ...وبشوف فيّا حاجات مخفيه  .. حاجات مكنتش متخيله انها موجودة اصلا  .لما بعتب بحس انى قاعده "او نايمه" على شيزلونج  بكشف نفسى بنفسى ...قدام نفسى  ..واحيانا بفهم حاجات عصيه على الفهم  .. باخد بالى من تصرف بعمله دلوقتى ...بس هو فعلا انا بعمله علشان زمان  .. ولما بقول او بكتب عن نفسى ..انى مُعقده ...بحس انى مش ببالغ  .. نفسى افهم نفسى  ..ازاى قدرت استحمل مواقف  مواقف ورا بعضها ...لسه مش منهارة  ... لحظة انى كنت نازلة يوم اجازة ...الشغل  الشارع فاضى ..واكتر من 5 كلاب ماشيه  بيهوهوو ..و...

مش متناسقه

تعرف ان انا كويسة لما اكون لابسه حلقى الحمامه... ولما تكون ضوافرى مش متقرقضه ولما احب احط روج . بقالى فوق الشهر .. مش بحط روج ضوافرى اختفت ... وحلقى مرمى فى العلبه مش بيطلع ..... هيك ..ليه عم تعمل هيك ؟ .. امبارح ..اتمشيت .. شفت يافطه كبييييرة اوى .للمصريين الاحرار كاتبيين مصر لا دينيه ولا عسكريه ..مدنية اليافطة كانت بالابيض والاسود وفوقها على طول فى يافطة مبهرجة..الوان ايه ؟ احمر وفوشيا وتحفه .. لأمينه ..تُحيى حفله مش عارفه فين ؟ . المهم...انا وكأنى مضحكتش من زمان #حقيقه ضحكت . حسيت مصر هشك بشك مصر شيزوفرنيا ..وكان واحد شيك اوى ببدله ..وواقف ساند على عربية لقيته بص بغضب لليافطة وقالى ايه اللى بيضحك؟ قولت شكله واحد ثورى واتضايق قولت انوره وحتى موقفتش ثوانى . انا شيلت السماعه من ودنى وشاروت وقولت كلمتيين .. بص لليافطة ..وبصلى وقالى وانتى بقى رايحة فين؟ تعالى اوصلك O.o مشيت بقيت السكه... غضبانه من نفسى انىى مهزأتش امه والنص التانى بفكر ارجع اديله على دماغ امه . ....... مدى ايدك ..آدى ايدى . ده الطريق زحام خلى قلبك ويا قلبى هتهون الالام .. لما وصلت حلوان لقيت الموقف كالعاده زحمة جدا بس ان...