Posts

Showing posts with the label يارب

اغتراب

صديقي. عندما كانت الاجابات عصيه،كان الزمان مُحتملا،لكن الأن،حتي الأسئلة لا تجد مكانها. صديقي،أستيقظ صباحا مُرغمة،أتمني أن أغلق تنفسي،فأنام للأبد،لكن حتي الواقع الذي أهرب منه،يأتيني الأسوأمنه في الأحلام؟ أحلام؟،أقصد الكوابيس. أستيقظ،أذهب لأغسل وجهي،لا أراني،ولا أرفع وجهي في مرأه،أتحرك وكأني جثه بلا حياه. أظل أتحرك هائمة في المنزل بلا هدف،كمن فقد شيء ما ولا يجده. يستغرق تجهيزي لمواجهه العالم الخارجي وقت أطول من المعتاد،كنت دائما أفخر بنفسي،كنت لا استهلك اكثر من 10 دقائق من الوقت،لكي أكون خارج المنزل. لكن الأن،بعد أن ألبس ملابسي،لا أجد طرحه مناسبه،وتتموه أمامي الألوان،ولا أهتم. بعد أن أجد ما هو مناسب،أتذكر أني نسيت الموبايل في الغرفه،أعود من أجله. ثم أتذكر ما نسيته،وتُغالبني نفسي،لأ اريد أن أخرج.  وعندما أخرج،أتحرك في الشارع برجل ثقيله،وأنظر للناس كمن ينظر لكائنات فضائيه،أسمع في أذني ما تقع عليه يدي،ودائما ما أُفكر،لا يوجد مستوي أعلي من هذا في الصوت؟ لا أجد كلمات تصف حالتي الأن،صديقي،لا يمكنك أن تقول أني مكتئبة،لأني تخطيت هذه المرحله بمراحل. ولا يشغلني حتي م...

جسم اسود

صوت باب اتقفل.... جسم الميكروباس  بدأ يتحرك امام عيني... بس المشهد مكانش سليم.. جسم اسود في بدايتها... تحول ل لون " جلابيه" بيتي .. شبه بتاعت ماما بالظبط اتسحل الجسم .... مسافه قد تبدو علي ا...
Image
انا اسفه فعلا انا اسفه .. 

وجع الحياه

هو انا غاويه نكد ؟.. ولا اللى بيحصلى واللى بحسه ده من حقى ؟ هو ايه اللى من حقى وسط كل الحياه اللى ناس موظفه نفسها بس علشان تقولى ...لأ... اعملى كذا ومتعمليش ايه .. مش من حقى انى ااقول انى تعبت ؟ .. بس انا تعبت ... تعبت اوى يارب وانت عارف تعبت ومش عارفه اخرج من الدوامه اللى عايشه فيها ... اول امبارح وانا راجعه من الشغل ... تعبانه ومُرهقه ... كان نفسى اتفرج على الفيلم اللى بيكون فى الاوبرا يوم التلات بس كان معايا صحبتى اللى حبت انها تقعد معايا اكتر من الفيلم ... و ده بالدنيا و لما دخلت البيت .. اختى الصغيره شافت ان ده وقت مناسب اوى انها " تعنفنى ". وتقولى قد ايه انا مقصرة معاها ... ومقصرة مع عيلتى و انا مش قادرة اتكلم .. وهاعيط فيها .. وماما تسكتها وهيا مفيش ... .. لحد قبل ما انام كده ... اتلفت لوجع كنت بكتمه وبعمل نفسى مش واخده بالى ضهرى .. من الناحيه  اليمين بيوجعنى جدا لكن كالعاده ... انا مش بقول ... ولو قولت هيتقالى برد فانا اتعودت ان الحل هو النوم ... فنمت .. لكن حتى النوم مبقاش راحه ...احلامى مش مُريحه بقالها فترة طويله بحلم بخُزعبلات ......

بدون عنوان

أكتب ايه ؟ ..  ... قلبى بقى مُثقل ..  . جسمى مرهق     اعصابى مستنفزة .  . ..عقلى مُتعب  . ..  مبقتش عارفه اختار اللى اكتب عنه    مبقتش ااقدر ارتب افكارى زى ما كنت  .. . ولا بقيت ااقدر انتقى كلمات .. تتكّون مع بعض وتعمل نسيج حلو .. . . . مش عارفه ده تحول جديد فى شخصيتى ؟ ..ولا ده نتاج  لمواجتهى لنفسى .. .  وعُزلتى الاجبارة اللى فرضتها على نفسى  . .  عارفه انى بكدب على نفسى كل يوم وانا بقول انى مش محتاجه حد  . . وانى كويسة وانا لوحدى  .. عارفه انى بضحك على نفسى  .. . بس اعمل ايه ؟ لو قولت الحقيقه لنفسى . .. هاتعب اوى  . هاتعب لانى مش قادرة  .. ارضيها .واريحها  وفى نفس الوقت ..لو قولت لنفسى الحقيقه ..  هيكون خطر عليا اوى  ..  فانا اقنعت نفسى بان افضل ما يكون ..هو الوضع الحالى  . ..  مع افكارى اللى رايحه جايه منير كان بيقولى  ::  مش عايز بكره يفوت و انا لسه بموت و الليل عمال يجرح و الوحدة تزيد النار و تزيدني مرار و الحزن يبات يصبح. ...

ضحكه...يمكن

مش بحب اكتب لما احس انى بقالى كتير مكتبتش ..بحب اكتب لما ابقى عايزة اكتب . دلوقتى انا حالتى مستعصيه شوية ... حياتى فجأه اتلخبططت واتشقلبت كلها على بعض .مبقاش فى اى ثوابت .. ولا عارفه بكرة هيحصل ايه بالمعنى الحرفى للكلمه .. مش عارفه احدد احساسى اصلا . خدت صدمات كتيرة اوى فى الكام اسبوع اللى فاتوا ومبقاش فى كلمه فى دماغى غير انا تعبانه ...تعبانه ...تعبانه ..بس انا فى طريق .عارفه انى مينفعش ااوقف . لو وقفت ...هاقع .. . مش عارفه انا مذعورة ؟... ولا خايفه بس . مش عارفه انا شخصيتى قويه انى ااقدر اواجه واقف قدام اى حاجة انا مش عيزاها .ولا شخصيتى الطيبه دى ممكن تخيلنى اعمل حاجات انا مش عيزاها . بس هاعملها علشان ارضى اطراف تانيه .. مش عارفه مشوشرة ..مش واثقه فى اى حاجة حاليا . ولا عارفه اى حاجة :)) .احساس غريب . حتى احساس انى مش عارفه احكى .ولا ابدأ منين ولا انتهى فين ؟ ... ومنفسيش فى حاجة اكتر من انى اضحك ..اضحك . مش اى ضحكه . ليا ضحكه انا بشتاقلها . وفاكرة كل مرة ضحكتها . ضحكه من القلب ..اللى بوصل بيها انى مش بقدر اتنفس .وبطنى توجعنى ..ومش بقدر اسيطر على الضحكه اصلا .بتطلع من غير تفكير .واعت...

حزن وفرح وحاجات

واقول هنفرح ...فى يوم هنفرح ..ويوم ما نفرح .. على الله يفضل فى القلب حته . .. . .. كان يوم الجمعه ...لما الدنيا كانت بتمطر ..وانا قررت انى امشيها ...واتبسط .ربنا كان عارف ايه اللى مستخبى.. ..واتمشيت فى المطرة .. مطرة خفيفه ...زى اللى بتحضنك .. وبالظبط على كوبرى الجلاء .. الشمس طلعت ..ووقتها انا رفعت راسى للسما ..وغمضت عينى . استقبل رحمه ربنا ..وبتخيل شكل جسمى وهو بياخد حيز من الزمكان ..واحس باشعه الشمس ..وللصدف الكونيه السعيده . اسمع وجيه عزيز ...".وساعات المطر وساعات .. يجى خففيف..يادوب بس كام نقطه يبلوا وش الرصيف ..وساعات يهز الارض ...ياخدنا نحضن بعض " ... وانى لما افتح عينى ..يكون على اعداد لا نهائيه من العصافير ...نازله مع اشعه الشمس اللى سارقه نفسها من وسط الغيوم على النيل ...تشرب ." مفيش لحظة مثاليه زى دى" . ولحظتها ...كانت الجمله اللى منتظرها من نفسى . .ومنتظرة احسها من اكتر من شهريين " انا مبقتش وحيده وانا لوحدى" ...الابتسامه اللى اترسمت على وجهى فى اللحظة دى . كانت ...أنا ..... برة الشبابيك غيوم....برة الشبابيك مطر .... وانا خايف خايف خايف وحاسس...

..

لون احمر ... صفارة صوتها سخيف ... ملهمش غير معنى واحد . ..المترو وصل المحطة . استسلمت ..وقولت هاركب اللى بعده .... يا طير اسير محبوس ... نفسك تطير بره .... فى لحظة معينه كدهو... همتى راحت ...رجلى مشيت بالراحه ... لأ هاركبه ... خطوتيين بسرعه . عنيا مُصره ..... لحقته. ... ادى بضحك وحزين . ...... راجل كبير ..بيحاول يحط رجله على السلم المتحرك ..... برفع رجلى معاه ... . هو نزل .... انا نسيت . وقفت مكانى كتير .. لحد ما فكرونى .. طب مين انا وليه وفين وازاى يكون؟ الكلام عنى لكن مهوش منى ... كنيسة..بقالى سنة بعدى عليها كل يوم.. لحد ما قلبى خد شكل الازاز المكسور . وكل يوم . كل يوم. . قلبى يوجعنى ..ووااقول ليه ؟ امبارح ..شفت .. ازاز جديد . .دورى يا دنيا عليه ...وريه بعنيه . المترو . من محطة السيده زينب .لسعد زغلول... نسى عمو انه ينور النور .تشوف الدنيا وكأنها فيلم أبيض واسود وتشوف وشوش الناس على ضوء تليفوناتهم بس و تبص على الانوار اللى متعلقه على الحيطة الاسمنتيه بره المترو .وتفتكر .هوايتك وانت صغير انك تقعد تتفرج عليها .....تعدها . .ودايما مامتك تقولك ..دوختنى وصدعتنى ... قعدى ساكتة . فين الح...

لوحة

Image
لوحة لما تشوفها من بعيد ..ممكن تنبهر بيها ..فيها الوان كتير .ولمسات الفرشة فى روحها متقنه وجميله.. ... تحس انها لوحة جميله جدا .وان نفسك تشوفها ...لكن لما تقرب منها بتشوف الجروح النازفه فيها..بتعرف انها مش هيا اللى عجبتك فى الاول . لانك لما قربت .. لقيت نافذه لروحها ..مكانتش باينه من بعيد .. وبقى واضح ان حتى لمسات الفرشه اللى مُكونه جمال اللوحة ...كانت بتنحت فى روحها وتركتها مشوهه ...وحتى الالوان المبهرة ...كان جمالها من بعيد لكن لما قربت عرفت ان الالوان دى تدريجات من دمها ... علشان كدة اللوحة دى لازم يتحط جنبها ...نرجوا عدم الاقتراب .. تُشاهد من بعيد فقط . لانك بتندم لما تقرب ...ومش هتعرف تتعامل مع الجروح ..الواضحه ...بالعكس انت ممكن تضيف جرح لو اتعاملت معاها بطريقه غلط ...لأن وبالرغم من الجروح وثبات اللوحة ...الا انها حساسه جدا ...وانت لو قربت مش بس هتكرهها ...لكن ممكن تجرحها .جرح لا يُمحى من روحها .. يكفى ما بها !

جدار

Image
جدار. ...جدار بتبنيه حوالين نفسك ... علشان تقدر تعيش فى العالم الخارجى ده لأنك من وقت ما خرجت من البلورة بتاعتك . وانت برضه مش عارف تتأقلم مع العالم الخارجى ..عايز تحافظ على شوية الفراشات . الصغيريين اللى جواك بتبنى جدار مش علشان تحبس نفسك ...لكن لأن اللى بره دول خطر ....خطر على فراشاتك ..لكن كل ما تزود . مسافات الجدران لفوق... او انك تحط سور تانى قبل الجدار ... لكن بتكتشف ان فى اماكن ...هشه اوى ... ومُخترقه بسهوله ...ازاى ما أختدش بالك قبل كدة؟ ... المشكله انك كل ما تحاول تبنى الجدار تانى .. مكان الثغرة اللى افتحت تلاقى الفراشات جواك نفسها فى نسمه الحرية ..الجميله دى حتى لو هيا عارفه ان الثغره دى ممكن يكون معناها .حرية لكن ثمنها ممكن يكون موت ... فهل انت مستعد انك تسيب جدارك ينهار ؟ علشان انت حاسس ان ممكن يكون فى حاجة جميله فى العالم ده؟ مستعد انك تدفع ثمنه؟ . مشكله الجدار ده انه بيعطى صورة خاطئه عنك ...الناس فكراك قوى ...و بتكلمك عادى .. بس هما ميعرفوش الجزء الكبير منك اللى مستخبى ورا الجدار ...قد ايه هو ضعيف ..وكل اللى محتاجه كلمه حلوة.. وحضن قوى ...كل اللى عايزه....حُب من غير شروط ...

طريق

Image
طريق.. مع اول خطوة.. وقعت فى حفرة ...مكنتش واعى انها موجودة.. ولما وقعت .. مكنتش لسه عارف انك واقع .. ولما طلعت منها ...كانت لسه سايبه فيك آثار جرح ..والجرح زاد اوى لما ضحك عليك اقرب ناس ليك ... واتسع...لما قعدت تقنع نفسك انه مش حقيقى ...وانه محصلش ... ولما اخفيته جواك ..وكأنه لم يكن .. كان الجرح بيكبر ..وانت مش واخد بالك ... وتبقى متضايق وانت مش عارف ليه ...ولما عرفت سبب جرحك... وافتكرت الحفرة اللى وقعت فيها. كنت وقتها وقعت فى حفرة تانيه .... ومبقتش عارف ...تعالج جرح جديد قديم؟.... هو قديم لكن كنت اخفيته من ذاكرتك ..فأصبح جرح جديد كأنه كان اليوم والآن .... ولا تعالج الجرح الجديد؟ ... ولما كانت كل خليه فيك ...وكل تعبير ..وكل تصرف ....بيصرخ أن ساعدونى.. كان كل شخص حواليك ..بيطلب منك انك تكبر ..وانك تتحمل المسؤليه ...كل ما تفتكر ..او تفكر .. فى موقفك الشجاع . انك ابتديت تعالج كل جرح فى نفسك.....بنفسك ... كل جرح ترك آثاره على جسدك....وعلى روحك ... وانك فى نفس الوقت ما أخدتش مساعده من أى شخص حولك ...وكمان انك كنت على مستوى المسئوليه .. لكن لما تتأمل موقفك..كل اللى بيجى فى بالك .. ان مش من ...

وصيتى

دى وصيتى .انا هبه حازم الخولى .. اوعو اتكون جنازتى محزنة.... ومش عايزة عياط تمثيل.... كدة هتقرف وانا فى قبرى . اللى هيفتقدنى يزعل فى نفسه ...مش لازم يقول للناس يعنى ... فى الجنازة ...حطوا احلى صورة ليا ..وزعوا آيس كريم للناس ...هاتول مصور كويس واتصوروا كلكوا مع بعض .. استغلوها فرصه انكوا متجمعيين . عنيا ادوها لحد يقدر نعمه النظر..ياريت يكون من مصابى الثورة ...ويبص بيها على السما والشجر ..ويستمتع بانه بيشوف . قلبى.. اوعوا تدوه لحد كئيب....هيموت فيه .. ا دوه لحد بيحب الحياه. واى حته فى جسمى حد محتاجها ... اتبرعوا بيها .. نيجى بقا للمهم. لوحاتى... ادوها للناس فى العشوئيات يعملوا منها سقف . ولو بعتوا اى لوحه...لان الفنانيين الميتيين ليهم صيت كدة..وبيبيعوا اللوحات بفلوس حلوة . لو بعتوا اى حاجة يعنى... كل الفلوس تتبرعوا بيها لمدرسة فى المناطق الفقيرة .ويكون احسن لو تكفلتوا بتعليم ولد صغير منسى . .. الكتب بتاعتى..اوعوا تبيعوها بالكيلو كدة..اتقهر فى قبرى .. كل واحد منكوا ياخد الكتاب اللى يحبه الكتب بتاعتى انا بكتب في اول صفحه التاريخ وكلمه .....

بلورة

Image
فقاعه... بلورة سحرية.. عايش جواها.. انت شايف العالم ... بس شايفه بطرقتك... شايف الوان جميله وبراقة...وشايف وحوش وعلشان كدة مش عايز تطلع من الفقاعه بتاعك ... وتطلع ليه؟...انت خلقت فراشات براقه.. وهوا جميل...وموسيقى تصدع حواليك خلقت عالم...لكن ليه كل شوية حد يحاول انه يدخل الفقاعه بتاعك؟.... مكنتش فاهم الاصرار...لكن انت عارف ان الفقاعه -البلورة السحرية- مش هتدخل حد فى العالم بتاعك لكن شوية شوية...انت ابتديت تزهق..وحسيت ان فى بره الفقاعه عالم حلو...نفسك تشوفه ولما حاولت تخرج بره الفقاعه بقيت بتقاتل على جبهتيين اللى كان امبارح بيقولك فقاعتك وحشة اخرج منها....لما شافك خارج..بقى يمسك حبل ويشدك باقصى قوته علشان ترجع تانى محبوس فى عالمك ولما فتحت الفقاعه وجيت تخرج...الفراشات طارت من حواليك..الا الوفية منها دخلت جواك ... والموسيقى وقفت ...وزعلت وريحة وحشة اوى من بره دخلت فى العالم بتاعك هو مبقاش بتاعك بقى حاجة مشوهه..... بقى مش انت ...ومش العالم حتى جلدك وروحك... بقوا حساسيين اوى كانوا متعوديين انهم مع فراشات...لما خرجوا للوحوش...بقوا يتجرحوا بسهوله انت هتبكى....هتبكى على عالمك اللى خلقته وقض...

سوق

Image
"سوق....ينادى كل بياع ببضاعته باعلى صوته ...تتداخل الاصوات.. وانت تقف فى دائرة خاليه من البشر كأنهم مش شايفينك...لكن صوتهم وكأنه بيعلى مخصوص عليك ....و ايدك على ودنك... وحنجرتك مجروحة من كُتر الصراخ لكن ...لا اصواتهم بتسكت...يمكن العكس بيزيد ...ولا انت بتسمع صوت صراخك ....... والحل؟... الدايرة دى محدش بيدخلها...ولا الاصوات بتسكت...ولا روحك بتستريح"

بحر

Image
" بحر.. وعلى مستوى النظر مفيش شط .. رجلك مش طايله ارض...وامواج البحر شيلاك لا انت عارف تتحكم فيها...ولا عارف تسيب نفسك ليها وعينك نظرتها مفزوعه....خايف على قلبك لا انت عارف هو كده مبسوط ومغامر...؟...ولا مستسلم ومنتظر النهايه؟ وما باليد حيله... لا انت عارف انت فين؟... ولا رايح فين؟...ولا عارف انت عايز ايه؟ " هو ده حالى...يمكن اكتر شوية لانى مش عارفه اكتب....البحر عمى احساسى مبقتش عارفه انا صح ولا غلط؟ مش عارفه انا ماشية فى الاتجاه اللى انا عيزاه؟ ولا انا بضيع وقتى ومجهودى وطاقتى؟....هو انا اساسا عايزة ايه؟ حتى ده مبقتش عرفاه مبقاش عندى يقين فى حاجة....غير ان ربنا هيسترها باذن الله ...... بس مفيش حاجة تانى ... لكن...انا مين؟....ولا اعرف او حتى عايزة ايه؟ .....:( السر فى بريجيت ..... للى ميعرفهاش هيا بطله روايه حب فى المنفى ...للرائع بهاء طاهر مفيش غير جمله واحدة "انا عايزة العالم ده يسيبنى فى حالى" بس لكن تعتقدوا ان ده سهل؟ ..... ابدا طبعا :) .... لان العالم مصمم انه يضايقك.... وبالذات لما يعرف انك نفسك تتساب لوحدك .. مش عارفه اكتب..ولا ااقول ...اللى اعرفه ان فى حاجة ...