Oct 29, 2010

حريه

نفسى اكون كده
حره
بس مين قال ان الحرية يعنى طير فى السما
ممكن تكون الحريه فى القلب
حتى لو مقفول عليها بميت ترباس
او ممكن تكون فى اختيار
حتى لو كان شارع امشى فيه
او نظرة للسما
مش مهم الحريه فين
المهم انك تحسها
الصورة لهشام عمارة

Oct 28, 2010

الزقة الاولى

كنت محتجاها من زمان الزقه الاولى ، انى اعمل مدونة خاصه بيا،
انا اساسا مش عارفة انا بعمل ايه؟، ولا فاهمة ابه الى جاى
لكنى عارفة انى محتجاها أوى المدونة دى،لانى اكتشفت اننا بنسمع كتير اوى
وانا بقرأ 0مش كتير اوى0 فبقى عندى مخزون رهيب من الاشياء الى نفسى اتكلم عنها
بس مستحيل هتلاقى انسان جاهز فى اى وقت انه يسمع حاجة انا حاساها او مبسوطة منها،
فانا لقيت البديل فى المدونة دى
لانى اساسا هأكتب لنفسى وانا الى هاقرأها ، ويمكن هعلق على نفسى كمان
بس اعتقد انها هتكون حاجة مريحة جدا
للرغى
وبكدة أعلن انا هبه حازم واحدة نفسها تعبر عن نفسها، ورسميا افتتاح بوبة من بوابات الجنون
وعشان كده المدونة اسمها تركيبة
لانى ممكن اكون واحدة بتحب كل حاجة
ولسة متخرجة من الكلية،وعندى فراغ كبير فى حياتى ،وبيتهيئلى ان مدونة ممكن تكون كويسة فى الوقت الحالى
ويارب بس مبهدلش الدنيا والاقينى بلغى المدونة مثلا
وارجو من اى حد يدخل ويلاقى حاجة غريبة
ياخد بأيدى ويقولى
ربنا يسترها