Nov 28, 2010

لا تعليق

بصوا على الرسمة دى كدة
وبس
لا تعليق منى

Nov 23, 2010

عجبى


خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

Nov 21, 2010

اله الزمن


نفسى يبقى عندى اله زمن
مش هاختار انى اغير التاريخ
ولا انى اطلع للمستقبل اشوف وصلنا لايه
انا نفسى يكون عندى اله زمن علشان اشجع الناس
ان بكرة حلو
ان صحبتى دى هتحقق كل الى هيا عايزاه وبتتمناه
ان صحبتى من الابتدائى الى اتمنت انها تعمل حاجات كتير
مش هتعملها كلها بس هتكون سعيدة
انتوا مش عارفين اد ايه مهم ان الواحد يحس انه هينجح
مش مهم هاعمل ايه او هأنجح فى ايه المهم ان حد
اى حد يقولى انى هأنجح
صعب اوى انك تكون بتكافح فى طريق مش عارف ياترى اخره ايه؟
حلو و لا لا
وعلشان كدة احنا محتاجين حاجة مهمة اوى اسمها الامل
الامل ان بكرة احسن واننا هنححق الساعدة
ان كانت بالحاجات الى عايزين نعملها
او حاجات عمرنا ما تخيلناها اصلا
علشان كدة
نفسى فى اله زمن
علشان هأطلع لنفسى فى المستقبل واقول لنفسى اقد ايه انا شاطرة
ووصلت وحققت
وهأرجع لنفسى فى الماضى وأقول لنفسى اقد انا شاطرة وهانجح

أمل ان بكرة احسن
حاجة عاملة زى النفس
نموت لو مش موجودة


بالمناسبة اتفرجوا على الفيلم ده
رائع

Nov 12, 2010

الانسان تركيبة

بص على الى جنبك
بص على الى ماشى هناك ده
يص على الى قاعد فى المترو او فى الاتوبيس او الميكروباس
من اول وهله تحس انهم ناس عادية
لا ويمكن تحكم كمان عليهم
ايه ده بص لابسة ايه؟
او ايه الى بيعمله ده هو مش عارف انه فى شارع ولا ايه؟
ولا ازاى بتتكلم كدة.؟
او حتى تبص من تحت لتحت وتمصص شفايفك ؟
ممكن افكرك ان الناس دول ليهم حياه
مش ناس علشان تحكم عليهم
كمان ممكن انت تكون فى نفس موقهم بس احنا اسهل بكتير نحكم بخطأالناس على اننا نحكم بخطأنا شخصيا
ممكن اقولك كمان ان الناس دى تركيبة
مش لانك شفتهم فى لحظة واحدة عرفت حياتهم عاملة ازاى؟
عرفت عايشين ازاى وايه احلامهم وايه الى صدمهم وازاى بيعانوا فى الحياه دى
وامتى اخر مرة ضحكوا فيها
وايه الى خلاهم يعملوا كدة ومين الة جرحهم
الناس دى متقدرش تختصرهم فى دقيقة وتقول ده غلطان
ارجوكوا انسوا المظاهر وانسوا اللحظات
احنا ناس فى الثانية الواحدة ورانا الاف الدقايق الى خلتنا نعمل كدة
فكل مرة تبص على انسان فى الشارع او المترو او الميكوباس
افتكر
الانسان ده ليه حياه طويلة عريضة انا معرفش عنها حاجة
مش نظرة واحدة
بلاش نحكم
وافتكروا فى اللحظة الى بتشير على حد بصباع فى ثلاثة متجهين نحوك

Nov 7, 2010

بنت فنانة

اكيد انت عارف اد ايه صعب انك تكونى بنت فى مصر، مش عشان انتى غلط ولا حاجة
بس لانك بنت
ماشى
طيب والفنان او الرسام ايه احواله
اكيد صعب ،بس لما تبقى بنت وفنانة فالدنيا اكيد هتبقى ظريفة جدا
يعنى اقتراضا مثلا ماشية انا فى الشارع وعجبتنى شكل طوبه فى الارض او حتى السما بس
ووقفت انا بكل احترام اتفرج عليها
ليه وليه
الناس تسيب الناس فى حالها !!!!.وهو ده برضة ممكن
كل التعليقات الى فى الدنيا
حاجة واحدة احب اقولها
سيبوا الناس فى حالها