Mar 22, 2011

انا ااقدم شارع فيكى


لما بمشى فى الشوارع اللى شفت فيها الغاز...والضرب ...والدم.والاقى الناس ماشية فيها دلوقتى ...مطمنه.....بفكر....ياليتهم يعملون على ماذا يسيرون


شوارع مصر....لم تعد مجرد شوارع.....روت بالدم .... فاصبحت ارواح


كنت فى ميدان طلعت حرب....بصيت للتمثال......شهد الكتير من احفاده يحاربون تحت اقدامه


روحت للشارع اللى شفت فيه اخواتى بينضربوا.....ياترى ما هو احساس الارض؟.....وما هو احساس الشمس وهى تلمس الارض.....؟.

ياترى الشمس وهيا نازله على الارض.عارفه انه فى نفس المكان كان فيه ناس بتحارب الموت؟هل عارفه ان الناس كانت بتساعد بعض؟وتقتسم البصله؟

الشمس لما تنزل على الرصيف اللى اترصصنا عليه علشان نقدر نتمالك انفسنافقط لنعاود الجهادتبقى عارفة انها نازله على بقعه من الارض غاليه؟


الراجل اللى بيدوس برجله على الارض اللى وقع عليها اخواتى ...عارف انها ارض غاليه اوى؟...ولا ماشى وخلاص


الست اللى وقع منها منديل على الارض...هيا عارفه انه فى نفس المكان واحد مات؟......ليه مش بتشيلها ؟.ده فى نفس المكان كان فيه دم نزف

البنت الصغيرة اللى وقعت على الارض..ومامتها ساعدتها تقوم...هيا عارفه انه فى نفس المكان واحد وقع ..ولما جم يساعدوه ....اتشال

لما بمشى على كوبرى قصر النيل....ازاى العربيات ماشية كدة؟.....ده هنا العربيات كانت بتدوس اخواتى...وهنا قتلوا واحد شكل واحد جارى


كوبرى قصر النيل نفسى اقبل كل شبر فى ارضه.....هنا الشعب دافع عنى....هنا هزموا الخوف...علشان يرجعولى الحق فى الحلم


كوبرى قصر النيل...فى حته عند السور..كان واحد واقف عليها ..وبيهتف باعلى صوته الراجل ده كان بيهتف باسمى.ازاى بنعدى كدة من جنب السور؟

عند كوبرى قصر النيل...فى الحته دى..واحد وقع تحت عربية الشرطه.....الراجل ده وقع تحتها علشان انا ااقدر امشى على الكوبرى بحريه


ازاى امشى على كوبرى قصر النيل....ومشوفش النيل ....اللى كان شاهد على اللى كان؟....احفاده كانوا هنا...ودلوقتى الناس ماشية عادى؟


ازاى الناس تمشى فى الشوارع كدة؟...هنا كنا بننضرب...وهنا دافعنا عن حياتنا.وهناك عالجنا واحد بيموت...وهنا فرحنا..الارض عليها تاريخ


عند مكتبه مدبولى ...قعدت منهكه من الغاز..جاء من يساعدنى ..بخل...هناك ...عشت لحظة من التارخ .....ياليتنى استطيع ان امسك الزمن


فى الشارع ده ...شفت عربية الاسعاف اللى جايه تقبض على هتيف..وشفت الشباب بيبكوا لما كشفوا الملعوب...ازاى نعدى على المكان كدة عادى؟


والشارع ده..قعدنا على رصيفه ...وجه راجل صاحب مطعم بأكل....وقالنا ربنا يقويكوا...هتيجبوا حقنا...ازاى نعدى على الشارع كدة؟


والشارع ده...كان فى محل...عمو قالى تعالى اتصلى باهلك طمنيهم....اكيد قلقانيين......ازاى نعدى على الشارع كدة؟


وهناك..فى الشارع ده...كان ولد واقف بخل...كل اللى يجى....يساعده...ويقعده جنبه....الغاز مفرقش بين بنت وولد...ولا كبير وصغير..



والشارع ده...شفت الشباب اللى وقفوا فى وش الرصاص...وقولوا للعساكر ...متضربوش ...عايزيين نجيب حقكم........وضربوا...............


وعلى الرصيف ده...شفت اللى مسك طوبه يضربها على العساكر...وغيره قاله ....لأ..........وضربوه برضه..............


وهناك تحت التمثال.....واحد مش قادر يتنفس من الغاز....جاله 100 واحد ...كانهم ملائكة ..مروا من الرصاص....اسعفوه....عاش ......

وهناك لمالعسكر بطلت ضرب بصيت على التمثال شفت الشمس طالعه من وراه كانت بتدفينا يمكن تشيل شويه من الحزن لكن العساكر حجبوها عنا ضربوا


والتمثال ..مكانش راضى ..ايده كانت بتقول ...استمروا....لم يمهلونا ان نفهم الرساله................وضربوا

والمبنى ده....مكانش راضى.....رمى بظله عينا...يمكن الالم يخف......لكنه لم يكن الم...كان جرح فى القلب........وعندها........ضربوا



وهناك فى هذا الشارع الجانبى....تسارعنا على المياه..لعله يرحينا...من الدماء.....كيف نمر عليه مرار العابريين؟؟؟؟


وهنا عند هذه البقعه....تهاتفنا على قناه الجزيرة لنرى ما حدث...قرأنا خبر نزول الجيش......ولم نصدق...ااشرقت الشمس.....


وهناك...رأينا من قتلونا....يهربون.......وهناك ...بكيت كما لم ابكى فى حياتى.....اهذا طعم الانتصار؟ كيف نمر على ذكرى الشوارع ؟


اصبحت الشوارع اصدقائى...رأت ضعفى ..ودمعى ...وهتافى ...ورعبى...وانتصارى ...وفرحتى ....كيف انسى اصدقائى


الشوارع ...........لن تكون كما كانت.........رأيت فيها حلم بيتبنى ....وبيكبر...وبيتحقق جزء منه.

الشوارع اصبحت جزء منى .....افرح عندما ارى التمثال والشمس خلفه.....تنير طريقنا
الشوارع اصبح لها مسارات فى قلبى
شوراعنا

Mar 20, 2011

لو صباعك مش بميى ....متجيش جنبى



سوريا.......شيدى حيلك يابلد

البيان رقم واحد للثورة السورية: الشعب قرر إسقاط النظام

استلهاما لروح الثوارات العربية في تونس ومصر وليبيا واليمن، ولأن ظروفنا هي ظروف شبيهة بظروف الشعوب العربية إن لم تكن أسوء، ولأن طريق الحرية قد أصبح واضحاً؛ وقد عبّده أولئك الذين سقطوا على مذبح الحرية من أهلنا وأشقائنا في الثورات التي سبقتنا، فإن شعبنا لن يعيد إختراع العجلة من جديد وسيقوم بما قامت به تلك الشعوب. ولأن النظام السوري لم يع الدرس ومازال يعتقد أن الاعتقالات وحملة الترهيب قادرة على تأجيل مصيره المحتوم، فإننا كشعب يطمح للحرية ولإقامة نظام ديموقراطي يمثله مثل كل شعوب الأرض، قررنا الخروج إلى الساحات والشوارع في كافة المدن السورية بمظاهرات سلمية تستلهم روح حراك الشعوب التي أسقطت أنظمتها أو تلك التي ما زالت تناضل سلمياُ لإسقاطها.. مؤكدين على التالي:

1- نحن سوريون قبل أي صفة لاحقة أو سابقة لنا حق متساوي في المواطنة، شعب واحد لا يفرقنا عرق أو دين أو طائفة أو معتقد. ومستقلبنا هو دولة مدنية لجميع مواطنيها.
2- لن نسمح للنظام وأركانه والمرتبطين به بإثارة النعرات العرقية أو الطائفية أو العشائرية أو المناطقية وسنقف جميعا كتلة واحدة نحمي بعضنا البعض في كل المحافظات والمناطق والشوارع، كما أن الإعتداء على أي فرد من أفراد شعبنا هو اعتداء على جميع أفراد هذا الشعب، وسيحاكم شعبنا كل من يقوم بذلك حين رحيل النظام.
3- ننوجه بشكل خاص إلى أهلنا في المناطق المختلطة الأعراق أو الديانات أو الطوائف أو المذاهب أن يتكاتفوا ويحموا بعضهم من المحاولات التي سيقوم بها النظام لإثارة النعرات بينهم لتفريقهم وجرهم إلى ماخطط له لتأجيل مصيره... نحن سوريون؛ عشنا على هذه الأرض منذ آلاف السنين قبل هذا النظام وستبقى سوريا وشعبها بعده وسيذهب إلى محكمة التاريخ...
4- إن ثورتنا سلمية ونرفض أي استخدام لأي شكل من أشكال العنف أو التخريب، أو الاعتداء على الممتلكات العامة لأنها ملك شعبنا وليست ملكا للنظام، كما نرفض أي اعتداء على أية ممتلكات خاصة حتى لأولئك المرتبطين بالنظام والذين كونوا ثرواتهم من خلال نهب شعبنا فنحن أحق بهذه المتلكات التي ستعود لنا عبر قضاء نزيه ومحاكم عادلة. وندعوا شعبنا لليقضة والحذر ومراقبة المندسين الذين سيحاولون تشويه صورة ثورتنا كما فعلت الأنظمة الساقطة عبر السيناريو المكرر والذي أصبح معروفا للجميع.
5- إن سلاحنا الوحيد هو أصواتنا وأجسادنا وصدورنا المفتوحة لدفع ثمن الحرية. ولن نسمح لكائن من كان باستغلال ثورتنا لتصفية الحسابات وتشويه صورتها السلمية.
6- ندعوا جميع أخوتنا وأبنائنا في الشرطة والأجهزة الأمنية أن يعصوا أية أوامر لإطلاق النار على أخوتهم وأهلهم، وأن ينضموا إلى الناس ويساهموا في صناعة حاضر ومستقبل بلدهم. مؤكدين على أن من يقوم بإطلاق النار على شعبنا لن ينجوا من الحساب مهما طال الوقت، ومثل كل الثورات السابقة سيكون كل من يطلق النار تحت بصر العالم وسيكون معروفا وستطاله المحاكم المحلية والدولية هو ومن أعطاه الأوامر .
7- ندعوا جميع أخوتنا وأبنائنا في جيشنا أن يستلهموا ما قامت به الجيوش العربية الأخرى في تونس ومصر وليبيا ويحذوا حذو هذه الجيوش الشريفة عبر الانحياز إلى شعبهم بكل أعراقه وأديانه وطوائفه.. فالنظام سيرحل وستبقى سوريا وشعبها وجيشها، فهذا وقتكم لإحراز المجد لكل فرد منكم؛ وأحراز الحرية لشعبكم الذي هو أخوتكم وأبائكم وأبنائكم.
8- ندعوا جميع الموظفين في إجهزة الدولة مهما كانت رتبهم الوظيفية وفي أي قطاع يعملون أن ينحازوا إلى شعبهم ونخص بالذكر الإعلاميين والدبلوماسيين وأن يبقوا في مواقعهم يمارسون مهامهم على أن يصبحوا ممثلين لشعبنا لا النظام؛ ولن يرحم الشعب ولا التاريخ المتخاذلين الذين سيساندون النظام.
9- على شعبنا أن يستفيد من تجربة الشعوب التي سبقتنا إلى الحرية وأن يقوم بتشكيل لجانا شعبية في كل حي وشارع لحماية الناس والممتلكات منذ اليوم الأول للثورة كي لا يحدث أي فراغ أمني سيستغله النظام للقيام بالتخريب والترويع، لإحداث فوضى تعم البلاد. وهو السيناريو الذي اعتمدته كل الانظمة التي سقطت أمام إصرار الشعوب على الحرية.
10- ندعوا أهلنا في خارج سوريا أن ينظموا أنفسهم للقيام بدورهم في مساندة ثورتنا، وتشكيل فرق إعلامية لنقل صوتنا وصورة ما يجري إلى العالم وفضح أي ارتكابات قد يقوم بها النظام، كما ندعوهم إلى حشد الشرفاء في كل العالم للقيام بتظاهرات تساند ثورتنا؛ ندعوا المنظمات الحقوقية في الخارج والداخل إلى مناشدة أقرانهم في كل العالم للضغط على حكوماتهم لاتخاذ مواقف وإجراءات سريعة مساندة لثورتنا. كما ندعوا المجتمع الدولي أن يتحمل مسؤولياته أمام أية حماقات قد يرتكبها النظام بحق شعبنا الأعزل الذي خرج يريد الحرية.
11- ندعوا النظام أن يستفيد من تجربة إخوته الديكتاتوريين الذين أسقطتهم الشعوب وأن يختصر على نفسه وعلى شعبنا مخاض الآلالم ويسلم السلطة للشعب ونحذره من استخدام العنف ضد المتظاهرين السلميين العزل، الذين خرجوا يطالبون بحياة حرة كريمة. لأننا لن نتراجع فلا خيار لنا سوى النصر أو الموت دفاعاً عن حقنا في الحياة.

مطالب ثورتنا تتمثل بالتالي:
1- تنحي الرئيس بشار الأسد وأركان النظام بشكل كامل.
2- قيام حكومة مؤقتة تمثل كافة مكونات الشعب السوري تقود البلاد عبر مرحلة إنتقالية، تطلق فيها الحريات وترفع حالة الطوارئ وتطلق السجناء السياسيين، ويتم خلالها قيام جمعية تأسيسية لصياغة دستور مؤقت للبلاد، تقوم على اساسه انتخابات تشريعية ورئاسية وبلدية.
3- حل الأجهزة الأمنية والحفاظ على ملفاتها وتقديم المتورطين منهم في جرائم قتل وتعذيب وانتهاكات بحق شعبنا إلى محاكم علنية وعادلة لمحاسبتهم.
4- حل حزب البعث وإعادة ممتلكاته إلى الدولة والشعب.
5- الحفاظ على كل أجهزة الدولة؛ والقيام بتطهيرها من رموز النظام السابق عبر آلية قانونية عاجلة وصارمة ونزيهة وعلنية.
6- تشكيل لجنة قانونية بشكل فوري لمحاسبة الفاسدين وإعادة الأموال والممتلكات المنهوبة، في الخارج قبل الداخل، إلى الشعب السوري ومحاسبة كل من تورط في قضايا الفساد التي استنزفت أموال وموارد وطاقات شعبنا على مدار عقود من عمر النظام.

وإذ نؤكد على علنية تحركنا لأننا أصحاب حق وننشد الحرية، فإننا سنقوم بإصدار دليل تفصيلي لطرق وأدوات المقاومة السلمية التي سنتبعها مستلهمين تجارب الثورات التونسية والمصرية والليبية. وندعوا كل نشطاء تلك الثورات أن يمدونا بكل ما من شأنه أن يساهم في انجاح ثورتنا ويقلل من خسائر شعبنا أمام ما قد يقوم به النظام من حماقات قام بها أشباهه من الأنظمة الساقطة قبله.

وستكون ساعة الصفر متروكة لنا نحن الشعب لنقرر التوقيت المناسب لها وعلى شعبنا الأبي والحر أن يكون جاهزاُ لمؤازرة أي تظاهرة تخرج من مدينة أو عدة مدن سورية بوقت واحد. ونخرج جميعا الى الشوارع والساحات رجالا ونساءا شيبا وشباباً. ولا نعود حتى إسقاط النظام ونيل حريتنا.

بورك الشعب السوري العظيم وبوركت سوريا حرة مشرقة

هذا البيان وصلني عبر الإيميل وهناك مناشدة من الأخوة السوريين لإعادة نشره لكل من يستطيع

Mar 14, 2011

مؤامرة

انهاردة يوم مش طبيعى
......
انا قولت ارفه عن نفسى شوية ..انا محبوسة فى عقلى بقالى كتير...وعمالة ااقول
الاستفتاء...هقول ...ايوة طبعا
......
وبعدها بساعة هقول لأ
طبعا هقول لأ.....انا مات ليا اكتر من خمس اشخاص اعرفهم
والناس دى مامتتش علشان نعيش فى ظل دستور ...اعوج واعور ..واعمى
المهم كان فى معرض.....وانا مشتركة فيه
....قولت برضة اروح اشوف شكل لوحتى على الحيطة شكلها ايه؟
قبل ما انزل ...والدتى الله يكرمها ....قالتلى لازم اعمل الغدا قبل ما انزل
.......
عملت الغدا...وبالنسبة للخريطة
احنا ساكنيين فى مدينة 15 مايو
اى خارج حدود كوكب الارض.....وللوصول للمهندسيين فى كوكب الارض...
يتوجب عليا انى اركب ...3مواصلات ...مع شوية مشى على الرجل هنا وهناك
المهم
.....نزلت متأخرة شوية
ولما لقيت الميكروباس....كان فاضل يجى 30 شخص علشان يتكرم علينا ويطلع
وبعديين روحنا....على حلوان...طبعا سوق
....ولا مانع من زعدة هنا...بصة هناك
الهدف دلوقتى هو المترو......
الحمد لله وصلت المترو ....ركبت متأخرة يجى ساعة الا ربع ولا حاجة
.....
الحمد لله وصلت بعد ساعة
ملقتش طبعا اى ميكروباس \تاكسى\حنطور
اركبه
......
كانت الحاجة الوحيدة الموجودة....
عربية اسعاف لقيتها بتقول كدة
"انت ياللى واقف على الرصيف وسامعنى ..ممكن يكون اخوك هوا اللى محتاج الدم.....اتبرعواااااااااااااااا ...."
اعااااااااااااااااااااا
كان صوت من الجحيم بجد
ركبت مع سواق مبيفهمش......ااقوله ايوة على جنب لو سمحت....كشل كلمة لو سمحت ...غريبة شوية على ودنه
نزلنى بعد المكان .....يجى بعشريين متر
....نزلت وعقبال ما اعدى....الله يسامحه سواق تاكسى غرقنى بمياه نظيفه جدا
.....وبقيت بفردتتين .......واحدة جميلة لونها بمبى ...والتانية رائعة برضه......سودااااااااااااااا
دخلت املعرض ملقتش ناس...طيب ياجدعان ..أى حد
مفيش
.....
اطمنت ان لوحتى موجودة
وقولت لازم اروح.....لقيت حد بينادى ...استبعاف تحلبير
فهمت انها اسعاف تحرير
....ركبت ....ضحك عليا وخد منى جنيه كامل ....
اعتقد انى عقبال ما وصلت البيت اتبهدلت كتييييييييييييييير اوى
...عرفت ان دى اخره .....اللى يسيب بيته وناسه
...ويسيب اون تى فى .....وتويتر
........وامن الدولة العظماء
........والناس اللى بيلاقوا جثثها فجاءة
سبحان الله
......لأ واللى بيتعذبوا كمان
.......
انا مش هنزل الا علشان ااقول لأللدستور المرقع
...انا مات لى اكتر من 400 اخ واخت
................
ولما ماتوا ودفعوا حياتهم
مكانش علشان اى حاجة
انا مش عبيط انا عايز دستور جديد












المهم انى وصلت لاستنتاج ....دى مؤامرة عليا
وانا مش هنزل تانى
الا وتويتر فى جيبى ......لأ على التعديلات فى دماغى
وأتكل على الله
......

Mar 13, 2011

ربنا يرحم جميع الشهداء


حضرت اليوم تأبين للشهيد
د احمد بسيونى....معيد بكلية التربية الفنية
اتفرجت على فيلم قصير عنه.....عمرى ما شفته ولا عرفته
....بس قد ايه كان انسان رائع....
ربنا يرحمك يا د احمد
.........
ويرحم كل واحد دمة سال على ارض مصر.....
علشان احنا نشوف الحرية
ونتناقش انت هتقول اه ولا لأ
......
ربنا يرحمكوا جميعا
......
وبادعى ربى....كل يوم
ان الهدف اللى انتوا استشهدتوا علشانه يتحقق
........
......
......
ربنا يرحمكم

Mar 11, 2011

مش بلطجيه

عمرو عبد الله
.......على صبحى....
محمد طارق
اسماء لشباب عمرى ما شفتهم فى حياتى .....
بس من ايام قلية اصبحوا اصدقائى واخواتى ....
انا بدافع عنهم وعن كل واحد اتقبض عليه ...ويتحاكم عسكريا
دول مش بلطجية
زى بالظبط مغنى الثورة ....
رامى عصام
مش بلطجى
بلدنا ومش هنسبها......ثورتنا ومش هنقتلها





. محمد طارق صحفى .. مش بلطجى

Mar 10, 2011

علشان مننساش

ابدأ منين؟؟
انا هبدأ من عشر سنين فاتت.....لما بابا قعدنى فى جلسة عمرى ما هنساها
علشان يكلمنى......قالى ...هيجى يوم الانسان الكويس هو اللى هيظهر.....وهو اللى هيقود التغيير والحياه الجديدة
.....مكنتش مصدقة...لما كنت بسمع وبشوف وبعيش ان اللى بيمشى فى الحياه دى.....هو اللى بيعرف يمشى حاله..ويتشطر
.....وبعدها بخمس سنوات ...عرفت كفاية....توسلت اللى والدى لكى اشارك...
لكنه لم يسمح لى ابدا
....ولكنى لم استطع....فكنت اتهرب من الكلية ايام لكى اشارك فى مظاهرة هنا...وقفه هنالك
....ولكنى لم اتوقف عن متابعة كل شىء فى مصر
علمنى والدى ان اقرأ واقرأ واقرأ
لكى اتعلم واكون رأيى
وعندما بدأت اضيق بالمتابعة ....فقط...وتمنيت ان اشارك...لكن والدى بهدوء شديد...تكلم وقال ...سيأتى الوقت الذى تتمناه مصر
ويتكون القائد....عندها نتبعه كلنا ...وعندها سننزل سويا
.....وهنا.......ومن متابعتى...لما يعمله...جروب كلنا خالد سعيد..
وجاءت ثورة 25 وكان ....الشعب هو القائد
....وكان يوم 25 يناير...انا على النت وتأتى ارقام مستحيلة ...خمس الاف هناك....عشرة هناك
لا اصدق....وعندما جاءت اول صورة .....علمت ان الحلم فى بدايه تحقيقة
......وعندما رأيت ما فعلته الشرطة فى منتصف الليل
.....اخذت قرارى ...النزول يوم الجمعة...وحتى هذا الوقت والدى لم يكن ليوافق
.........واتفقت مع اصدقائى ان ننزل سويا...وفى بداية اليوم لا وجود للاتصالات اوو النت
ولذلك ذهبت اللى منزل صديقتى ...وخذلتنى
....ولكنها اعطتنى نمرة ل د فى كليتها..لكى اتصل به ان كنت فى مشكله...د احمد بسيونى
......نزلت ولا اعلم اين ساذهب..ولا مع من سامشى لكنى توكلت على الله
ركبت المترو وذهبت اللى مسجد الفتح فى رمسيس......وهالنى عدد الناس الموجودة...كما هالنى عدد الشرطة واستعدادهم
....عندها علمت اننى فى واقع وليس بحلم
صليت بجسد يرتجف....وبمجرد ان قال الامام السلام عليكم
كانت الهتافات تدوى....الله اكبر....الله اكبر.....ثم الشعب يريد اسقاط النظام
.......لم استطع ان انطق لبعض الوقت.....صورت لكى اوثق ذلك فى حياتى
...ثم جاء وقت الغازات.....نم كنت مجهزة بكوفيه...وخل وبصل وكوكاكولا ....وكل شىء
لكن لا شىء هيأنى لما حدث
عندما بدأت عينى فى ان تحرق...ولا استطيع ان ارى ....وانفى...لا استطيع ان اتنفس
.....عرفت اننى فى الحرب...حرب حريه الشعب المصرى
رأيت الولد الصغير.... الذى يساعده والده....على ازاله اثار الغازات
وعندها اصبحت مصدومة ....وتأكدت اننى فى الواقع...واصبح تائهه بلا صديق
عندها رأيت بنات يسيروا معا....ذهبت وقلتلهم ..ممكن امشى معاكوا
طبعا....وفى وسط ما الدخان بينضرب .....رأيت عيون مصر فى فتاه ترى كل المستقبل وهى تقاتل من اجله.....
احتضنتنى......وذهبنا معا
تركنا رمسيس ومشينا فى شارع متجه اللى العتبه...وكانت الاعداد لا تصدق...وكله بيقول ...انزل انزل ...
ثم رأينا عساكر الامن المركزى.....تنتظرنا.....وبدأالضرب مجددا......وهنا عرفت الشباب اللى كنت بسمع عنه
جمعوا البنات ....معا ...وادخلونا فى عمارة ...ودخلنا عند ترزى ...راجل كريم..استقبلنا ...وكنا نشاهد من الشباك...ما لا يصدق..
ثم وعندما هدأت الامور ....نزلنا واخذناها فى الحوارى ....وكنا خمس بنات ..ومعانا ولد واحد
اتجهنا اللى العتبة عند ش عبد العزيز
.....وكنا نتناقش...وهنعمل ايه؟؟هنوصل التحرير ازاى
..هنا رأيت بركان ينفجر.....من كل حارة ...ومن كل زقاق فيكى ياعتبه......يخرج الناس ...بعد ان تجمعوا امام شاشة الجزيرة ...وقرروا ...ان يذهبوا
...........خرج الناس ...وكلهم بيقولوا ...واحد اتنين الشعب المصرى فين...؟
تجمع الناس .....وكانت مسيرة ...ومظاهرة ...جعلتنى ابكى ...اللحظة اللى اتمنتها حياتى كلها ....شفتها
...شفت مصر تنتفض ......شفت مصر اللى بتنتزع حريتها
.......وسال الفيضان المتجه اللى التحرير ..الا اننا نعلم انهم لن يسمحوا لنا
....وهنا ضربوا علينا....ما ضربوه...ورأيت ما رأيت من الاصابات
.....ثم ذهبنا اللى ميدان طلعت حرب
...كانت المسيرة طويلة جدا....اشترينا مياه نشربنها.....ورأينا شوارع فارغة ...ونحن نخطط كيف نصل للتحرير
عندها وجدنا عدد كبير عند طلعت حرب وبقينا نهتف لمدة تزيد عن نص ساعة تقريبا......وهنا كان الغدر الحقيقى ....ضربوا ...الغازات ....وضربوا المطاطى ...
ورأيت بعينى انهم كانوا يستهدفوا ..قادة المظاهرة ....ورأيت ايضا انهم كانوا بيقبضوا عليهم وتأتى الاسعاف لتأخذهم
لم اصدق عينى.....الاسعاف......عربه الاسعاف ....يستخدموها للقبض على الناس.....
ورأيت العساكر وهما بيضربوا الشباب بالطوب ...والعصيان
عندها.....وبكل الارهاق اللى فى الدنيا ...ذهبنا نرتاح قليلا
...وجدنا الناس اللى بتبعت اكل وميه وكراسى علشان نرتاح
عرفت ان مش كل واحد مش بيتظاهر معانا....ضدنا
بالعكس...هو مؤيد بس بطريقته
وهنا رأينا العجاب .....الشرطة تنسحب......!!!!!!!!!!!!!!
وذهبنا لمحل....نترجاه ان افتح الجزيرة.......قرأت الجيش المصرى ينزل الشارع....
بكيت كما لم ابكى من قبل....شعرت اننا انتصرنا.....وهنا رأيتها
نار مشتعله فى بوكس....شرطة ......لم اعرف ماذا افعل.....
كان نهاية اليوم...بان اركب تاكسى واقوله ودينى فى اى حته....ذهبت لخالتى الساكنة قرب قصر القبه.....وهناك وحتى بعد الساعة 3 بليل ....كان ضرب النار عند قسم الشرطة....الذى انتهى باكثر من 40 واحد ميت
...........بقى ان اقول....ان د احمد بسيونى الذى اخذت نمرته لكى اتصل به....وصلنى خبر وفاته بعدها بأيام
.......اعلم ان لله حكمته....فى ان يكون هو من سألجأ اليه ان حدث شىء.......
عندما علمت انه توفى ...وهو د التربيه الفنية ...الذى يعلم ...ويصنع فن عظيم......
رحماك ياربى....
لكنى اليوم وكل يوم...عندما نكسب شىء...اى شىء جديد....اعرف انه بسبب ان د بسيونى سال دمه علشانا...
هو ....وكل واحد مات ...
ماتوا لنحيا,.....
انا ادين بحياتى لهم....فلن اتخلى عن ثورتنا ابدا......

Mar 7, 2011

لا لمحاكمة المدنيين عسكريا 2



مقدمه د. ليلى مصطفى سويف
مدرس بكلية العلوم بجامعة القاهرة
رقم قومى25605018800105

فى حوالى الساعة الثانية من صباح السبت 26 فبراير 2011 بشارع القصر العينى، امام مجلس الشعب، عقب فض الاعتصام الذى
كنت مشاركة فيه امام مجلس الشعب بالقوة على يد قوات من الجيش والشرطة العسكرية واثناء انصرافنا من مكان الاعتصام قام بعض عناصر من الجيش باختطاف السيد عمرو عبد الله البحيرى(32 سنة من كفر الزيات) واخذوا يوسعوه ضربا واصابوه فى وجهه دون سبب واضح حيث كنا جميعا نهم بالانصراف، وحين احتججت ومن معى على هذا واعلنا رفضنا للانصراف إذا لم نصطحب الشاب معنا، قام ضابط كبير الرتبة بتهدأتنا وامر الضباط الاقل رتبة باحضار الشاب عمرو عبد الله وكان مصابا فى وجهه اصابة بالغة، واصطحبناه معنا وسرنا فى شارع القصر العينى وكان معى د. شادى الغزالى حرب والاستاذ تقادم الخطيب (المدرس المساعد بآداب المنصورةوعضو حركة 9 مارس لاستقلال الجامعات) وابنتى منى أحمد سيف الاسلام عبد الفتاح وابنى علاء أحمد سيف الاسلام عبد الفتاح وزوجته منال بهى الدين حسن والاستاذ احمد عبدالله (قريب الاستاذ عمرو) الذى كان يعاون قريبه المصاب واثناء انصرافنا توقفت بجوارنا سيارة ملاكى بها 2 من الشباب ( للاسف لا أعرف اسم أى منهما حتى الان) عرضوا علينا المساعدة فى توصيلنا الى أى مكان فطلبنا منهم اصطحاب الشاب المصاب وقريبه وتركنا د. شادى والاستاذ تقادم حيث ذهبا معا ليستقلا سيارة د. شادى وينصرفا وانصرفنا انا وعائلتى سيرا على الاقدام داخل شوارع جاردن سيتى. وبعد دقائق اتصل بى استاذ تقادم وابلغنى ان ضباط الجيش قد اوقفوهم مرة اخرى وانزلوهم من السيارة فعدت الى شارع القصر العينى ووجدت كل من شادى حرب وتقادم الخطيب وعمرو واحمد عبدالله والشابين- الذين كان كل ما فعلوه هو تقديم المساعدة لجريح - مقبوضا عليهم جميعا من قبل عدد ضخم من ضباط الجيش.

حوالى الساعة الرابعة والنصف صباحا اتصلت بالاستاذ تقادم وعلمت منه انه قد افرج عنه هو ود. شادى اما الاربعة الاخرين فكانوا لايزالوا محتجزين ويدعى الضباط الذين يحتجزونهم انهم وجدوا سلاحا (قيل انه طبنجة صوت) بحوزة عمرو
فى الساعة الثانية من ظهر اليوم السبت 26 فبراير 2011 وبعد ان عرفت بالبيان 23 الذى اصدره المجلس الاعلى للقوات المسلحة و اعلن فيه انه سيتم الافراج عن من قبض عليهم هذا الصباح اتصلت بالاستاذ احمد عبد الله كى اطمئن فابلغنى انه قد تم الافراج عنه للتو وان الشابين الذين قدما لنا المساعدة قد افرج عنهما قبل ذلك أما عمرو فلا يعرف عنه شئ
واود ان اؤكد هنا ان عمرو عبد الله البحيرى لم يكن يحمل اى شئ يمكن ان يحتوى طبنجة بل أنه كان محتجزا اصلا لدى الجيش فلو كان معه سلاح لما تركوه يصحبنا، والارجح ان استمرار احتجازه ومحاولة تلفيق تهمة له ناتج عن محاولة تبرير اصابته حيث قامت ابنتى منى احمد سيف ود. شادى الغزالى وأستاذ تقادم الخطيب بتصوير اصابته وكان واضحا اننا ننوى الابلاغ عن الامر،
هذا ويذكر ان كل من تحدثت معهم من الشباب الذى احتجز قد افاد بانه تعرض للضرب المبرح اثناء احتجازه كما افاد بعضهم بتعرضه للتعذيب عن طريق الصعق بالكهرباء

ليلى مصطفى سويف
مدرس بعلوم القاهرة
تحريرا فى 26 فبراير 2011

Mar 4, 2011

بوم سعيييييييد ♥

بدأ اليوم سعيييييييد جدا
.....
استيقظت لارى رئيس وزرائنا فى ميدان التحرير.....
وبيقول للناس انا استمد الشرعيه منكم
ده ايه الحلاوة دى؟
لا وكمان بيبدأ كلامه انه بيعتذر عن انه لم يصلى معهم
ياسلاام.......
اعتذر
اه والله....وبعديين يحيى الشعداء.....لا وايه يقف دقيقه حداد
.......ايه الحلاوه دى ياولاد
وبعديين يتكلم بكل احترام .....قدام الشرعية الثوريه فى ميدان التحرير
لكن ما احترمه كذلك......
حرية التعبير التى جعلت الناس تقول رأيها ...وانها تحب شفيق...
واللى احترمته اكتر
ان شفيق يطلع يسلم عليهم....ويقولهم ما معناه
ان رأى الاغلبية
حد عارف مصر دى؟؟؟؟
دى بداية مصر اللى بنتمناها
دلوقتى وانا بكتب الكلام ده
أمن الدولة بيحرق الملافات
جه يوم ....
اللى أمن الدولة تخاف...وتحاول تدارى ملافاتها......
جه اليوم اللى ينكشف أمن الدولة ....والناس تعرف
ليه الثورة بتقول حل أمن الدولة
الاحداث فى مصر متسارعة جدا.......
يارب نلاحق عليها ....وتبقى مصر احلى ما نتمناها

♥تويتر


تويتر....غير تفكيرى ....وغير انسانيتى ...وعلمنى شتايم وحشششششششششششششه ربنا يستر على الواحد

علمنى تويتر حاجات كتير......اولها ان خير الكلام ما قل ودل وبما اننا شعب رغاى فى الاصل...كان صعب عليا اوى انى اتعود اكتب 140

علمنى تويتر....ان العقل اللى بيفكر وبينتقد.....اجمل بكتيير من العقل اللى بيستقبل بس......وعرفت ان الانسان لو لم يستخدم عقله لانتهى

علمنى تويتر.....ان الجغرافيا للخرائط فقط.......الانسان هو الانسان .....بلا خطوط تفصله .نفس الحلم بالحريه والعيش الكريم...والحلم

لم يعلمنى تويتر ....الحلم...كنت احلم من قبله....لكنه جعل لحلمى .....اصدقاء...ههههههههه ومخبريين.........واجندات بقى وكنتاكى...وعملاء .كله

علمنى .تويتر..انه مش مهم مين اناومش مهم شغلى ايه؟..عاطله بالمناسبه..:) .المهم انى ااقول رأيى واحيانا احترم اراء الاخريين :نستثنى البيض بس

علمنى تويتر...اسوء خبره..ان ممكن حد يحكم عليا خلط...ويعملى بلوك :(...والاسوء انى بتتضايق لما بيكون شخص بحبه...........:(

علمنى تويتر.....انى ممكن استفيد من ناس جدا.....مع انى ضدهم فى اساسيات الاشياء..........مش عارفه ازاى؟؟:)


عرفت على تويتر..........مش كل من طلع فى التلفزيون وقال كلام جميل,...ولطيف...محترك...او حتى بينفذ ربع اللى بيقوله ......:)

عرفت على تويتر....انى مش لازم اتفق مع كل كلام الناس....حتى لو بحبهم ...وأقرأ مقالتهم

دى تويتات كتبتها
.........تويتر علمنى كمان ...ان الفيس بوك مش بالروعة اللى كنت متخيلاها

لا لمحاكمة المدنيين عسكريا

Mar 3, 2011

أيوة بقى

تهنئ
كنت ناوية الصراحة انى اتكلم انهاردة على الحلقة التاريخية
وال د\علاء الاسوانى
لكن .......يتغيير الحال فى مصر بالساعات
استيقظ اليوم على ان شفيق استقال
ياسلااااااااااااااام ياولاد
ده ايه الهنا اللى احنا فيه ده
يعنى الضغط بيجيب نتيجه اهوه
يعنى الناس اللى بتنزل التحرير عندها حق اهوه....وجابوا نتيجة يعنى
وتحيه وسلاااااااااام كبير اوى للجدعان
الجدعان بس
د علاء .......اشكرك شكر شديد جدا...تكلمت بحالى
حتى لو ان بعض الناس بتقول انك كنت غير ملتزم بقواعد الحوار
الا ان هذا يثبت كم هو ضعيف رئيس وزراء بلدنا
وان كنت فى مكانك لفعلت المثل
بقى الان ان ننتظر قليلا لنرى من سيكون فى الحكومة الجديدة
تقريبا الكل اجتمع على نزاهة وشرف "شرف"
لكن يبقى من سيكون وزير الداخلية ومن سيكون وزير الخارجية ؟؟
ولابد من حل أمن الدولة ....اللى بيحرق البلد
علشان المستندات متتطلعش
ولابد من وزير داخلية مدنى ....وياريت يكون حقوقى كمان
وكفاية ابو الغيظ بصراحة ..........فلقنا وبهدلنا كتيير
والمصريين اللى فى تونس بيقولوا كدة
حالهم على الاقل
يبقى ان الامل الان بقى كبير
الثورة ماشية فى الطريق الصح
واختم بتشبيه قرأته على تويتر
النظام عامل زى العربية ....والجيش واقف بينها وبينا
كل ما نضغط على الجيش...هيضغط على العربية ...ولو مظغطناش ...العربية هتدهسنا