Mar 21, 2012

الحياه متلاحقه
.ولما تبقى تعبان..... هتستريح
:).

Mar 13, 2012

بنت .

...فى المترو ...كان شكلها مرهق جدا ...ندمت انى استعجلت وقمت لسيده بطفلها
..قولت ياريتنى كان فى ايدى انى اقعدها تستريح
..مجرد دقائق عدت
.. سمعت اصوات قادمه من ناحيه
.لما حاولت افهم ...حسيت قبل ما اعرف
..البنت ...اُغمى عليها
!
..

ضحكه...يمكن

مش بحب اكتب لما احس انى بقالى كتير مكتبتش
..بحب اكتب لما ابقى عايزة اكتب
. دلوقتى انا حالتى مستعصيه شوية
... حياتى فجأه اتلخبططت واتشقلبت كلها على بعض
.مبقاش فى اى ثوابت .. ولا عارفه بكرة هيحصل ايه بالمعنى الحرفى للكلمه
..
مش عارفه احدد احساسى اصلا
. خدت صدمات كتيرة اوى فى الكام اسبوع اللى فاتوا
ومبقاش فى كلمه فى دماغى غير انا تعبانه ...تعبانه
...تعبانه ..بس انا فى طريق .عارفه انى مينفعش ااوقف
. لو وقفت ...هاقع
..
.
مش عارفه انا مذعورة ؟... ولا خايفه بس
. مش عارفه انا شخصيتى قويه انى ااقدر اواجه واقف قدام اى حاجة انا مش عيزاها
.ولا شخصيتى الطيبه دى ممكن تخيلنى اعمل حاجات انا مش عيزاها . بس هاعملها علشان ارضى اطراف تانيه
.. مش عارفه
مشوشرة ..مش واثقه فى اى حاجة حاليا
. ولا عارفه اى حاجة
:))
.احساس غريب
.
حتى احساس انى مش عارفه احكى
.ولا ابدأ منين ولا انتهى فين ؟
...
ومنفسيش فى حاجة اكتر من انى اضحك
..اضحك
. مش اى ضحكه
. ليا ضحكه انا بشتاقلها
. وفاكرة كل مرة ضحكتها
. ضحكه من القلب ..اللى بوصل بيها انى مش بقدر اتنفس
.وبطنى توجعنى
..ومش بقدر اسيطر على الضحكه اصلا
.بتطلع من غير تفكير
.واعتقد انا اخر مرة ضحكتها كنت فى 3 كليه
.كنا اتجمعنا كل العيله وجبنا فيديو قديم ..لحفله
.كانت بمناسبه نجاحنا فى الاعداديه
..لاننا واحنا صغيريين وكان سننا متقارب ..كانت الحفلات للجميع
..وطبعا ...وانا بتفرج على الفيديو
..مقدرتش اسيطر على ضحكى
.. وتقريبا العيله كانت بتضحك على ضحكى اللى وصل صوته للشارع
..لانى ومع اول لقطات فى الفيديو ...اقتنعت ضمنيا ان اللى فى الشريط ده
مش انا
...فخلاص
تفرغت انى اضحك على مناظرنا كلنا
:)))
كل ما افتكر ابتسم
كلهم كانوا متضايقيين من شكلهم
..آثار العمر والزمن واضحه علينا كلنا
....
كنت قاعده انا على الارض ...فى مواجهه اللاب توب ...فوقى على الكنبه كانوا خالتو وخالتو وماما
..وجنبى ولاد خالتى ...وفى انحاء متفقه من الارض والكراسى باقى العيله
... فاكرة الضحكه اللى اول ما شفت اختى وخالتوا وابن خالتو فى مشهد
... و نفسى اللى اتقطع وبقيت مش قادرة اتنفس
..وعينى دمعت من الضحك
.. وصوتى اللى جلل فى المكان
..ومحاولتهم انهم يسكتونى ...بضحكات مش قادريين يمسكوها اصلا
...
وقتها
مكانتش روحى خفيفه زى دلوقتى ... كنت انا برضه
كنت بقدر قيمه الحياه
. كنت بحب مصر ومتابعه السياسه
كنت بجاهد فى الحياه ...واحارب القوالب الجاهزة ليا
.. كنت أنا زى دلوقتى
..
مبحاولش اسأل السؤال المفروض طبيعيا
. اومال ايه اللى حصل ؟
.لسه مش قادرة اضحك الضحكه دى .بقالى كام سنه

!
مش قادرة افسر
..مبسوطة بالضحك العادى اللى املكه واحاول الا افقده هو كمان
مش ناقصه اصلها
...
وابحث بحث حثيث ...على ضحكتى
. ضحكتى اللى عارفه
انها اكتر حاجة بتنطق بيا
وعارفه
انها أنا
..