Apr 30, 2012

هاقطع اليوميات علشان اكتب حاجة مش عارفه اكتب عنها
وعلشان كده هانقل اول كلام طلع منى
 فى يوم لاول مرة من ساعه ما اشتغلت  معرفش انام لحد الساعه 4 الفجر
..
عمرى ما كنت اتخيل نفسى انى ااقدر اصرخ بالصوت ده .. فى الشارع .. بس انا صرخت …
...معرفتش انام .. مع انى هاموت وانام …
....
اللى هيرجع يقول ان التحرش ده غلط بنت … هاخزق عينه .. انا بلبس جيبه طويله .. وطرحه .. ولبسى واسع عاما ..لكن ده ممنعش حاجة
...العجيب ان بعد ما جرى انا مشيت وراه ... مكنتش عارفه هاعمل ايه اصلا لو لقيته مثلا
....ماما عرفت من نبره صوتى اصلا ...وتقريبا انا صعبت عليا انى انام وخلاص : (.
....مش بس عايزة استحمى ...لكن عايزة افجر حاجة او اضرب حد ...
طب انا حاولت اعيط ...بس معرفتش ... انا قعدت على سلم العمارة .. دقيتتين كدهو ...

.
...قلبى دقاته بقت سريعه وحاسه بيه ... وايده على جسمى .. حساها بتولع .. ده مش جسمك علشان تلمسه يا @#$%#^%&^^*&


...حاولت اتكلم و تقريبا خايفه اشوف نفسى فى المرايه ..لانى عارفه ان وشى هيكون لونه ابيض ... وحاولت اكتب بوست .. ومعرفتش....


اللى هيضحكنى فى المستقبل .انى افتكرته .واحده صحبتى .. ولما استوعبت .. انا صرخت صريخه سمعت صدى صوتها فى الجبل ...
....ومش هافتكر غير انه جرى زى الفار ... *شتايم قبيحه كتير .. معرفهاش *
...
وارجع وااقول للناس اللى كانت بتقول ان الكلام عن التحرش على تويتر مش بيفيد ... اعتقد انه فادنى انهاردة
...مش عارفه هيفيدنى ولا لأ . انى اتكلمت ... بس انا معرفتش انام : (.
...مش عارفه ايه اللى جى بعد كده ...انا نايمه امبارح معيطه .. ياربى هنام انهاردة ازاى ؟ : (..

..
ياربى كنت متخيله انى وحيده وبس ... لكن بقيت وحيده .. ومتألمه ...و عايزة حضن ‎:(‏...
..
... كنت واخده خطوة البعد عن تويتر والفيس بوك ... زى عادتى اصلا : (.. بس ملقتش حد اكلمه


. عارفه ان اتفتح عليا صندوق بندورا .. و هافضل غضبانه كام يوم ‎:(‏

هو انا ينفع يطلع عليا تعب سنتين بحالها فى يوميين ... و لا ربنا بيختبرنى ‎:(‏.
....
انا هاحاول انام .. انا حاولت اقرأ المنشنات ومعرفتش.. بس شكرا لكل حد خد من وقته دقيقه ورد عليا .
..
..بس اهم اهم اهم حاجة ...اننا كشعب ..متدين بطبعه . ‎‫#ضحكه‬‏ ملهاش اى لون...
..مش عارفه انام .. او خايفه من الاحلام ‎:(‏....
...
فى الحالات دى ..باكتشف انى معنديش اى شتايم ااقولها تتطلع شوية غضب :@..
...
حلم انى اخد غيبوبه من الدنيا بيرجعلى تانى ... .
...
كان يا ما كان ..كان ليا قوقعه جميله … سبتها وخرجت .. حاولت ارجع 3 مرات وقولت بلاش … على ما يبدو ده وقت الرجوع