Aug 15, 2011

بلورة




فقاعه... بلورة سحرية.. عايش جواها..
انت شايف العالم ... بس شايفه بطرقتك... شايف الوان جميله وبراقة...وشايف وحوش
وعلشان كدة مش عايز تطلع من الفقاعه بتاعك
... وتطلع ليه؟...انت خلقت فراشات براقه..
وهوا جميل...وموسيقى تصدع حواليك
خلقت عالم...لكن ليه كل شوية حد يحاول انه يدخل الفقاعه بتاعك؟....
مكنتش فاهم الاصرار...لكن انت عارف ان الفقاعه -البلورة السحرية- مش هتدخل حد فى العالم بتاعك
لكن شوية شوية...انت ابتديت تزهق..وحسيت ان فى بره الفقاعه عالم حلو...نفسك تشوفه
ولما حاولت تخرج بره الفقاعه
بقيت بتقاتل على جبهتيين
اللى كان امبارح بيقولك فقاعتك وحشة اخرج منها....لما شافك خارج..بقى يمسك حبل ويشدك باقصى قوته
علشان ترجع تانى محبوس فى عالمك
ولما فتحت الفقاعه وجيت تخرج...الفراشات طارت من حواليك..الا الوفية منها دخلت جواك
...
والموسيقى وقفت ...وزعلت
وريحة وحشة اوى من بره دخلت فى العالم بتاعك
هو مبقاش بتاعك
بقى حاجة مشوهه.....
بقى مش انت ...ومش العالم
حتى جلدك وروحك... بقوا حساسيين اوى
كانوا متعوديين انهم مع فراشات...لما خرجوا للوحوش...بقوا يتجرحوا بسهوله
انت هتبكى....هتبكى على عالمك اللى خلقته وقضيت عمرك تخلقه؟
ولا هتبكى على الفراشات اللى بتموت جواك...وانت مش عارف تطلقها
لانها هيا كل حاجة متبقيه ليك
ولا انت عارف تهرب من اللى بيشدك باقصى شراسة علشان يرجعك لعالم بقى مشوهه
ولا عارف تعيش فى العالم اللى خرجت علشان شفت فيه حاجة حلوة
...
ياترى هتلاقى فى العالم اللى بره اللى يخلق فراشات حواليك؟

ويسمعك موسيقى تانى؟
ويخليك تبتسم ابتسامه ...مكنتش تعرف تبتسمها وانت فى عالمك الضيق
؟

ولا هيكون مصيرك زى فراشاتك
موت
...
او زى عالمك
تنتهى شىء مشوهه
؟
!





Aug 14, 2011

سوق

"سوق....ينادى كل بياع ببضاعته باعلى صوته
...تتداخل الاصوات.. وانت تقف فى دائرة خاليه من البشر
كأنهم مش شايفينك...لكن صوتهم وكأنه بيعلى مخصوص عليك
....و ايدك على ودنك... وحنجرتك مجروحة من كُتر الصراخ
لكن ...لا اصواتهم بتسكت...يمكن العكس بيزيد
...ولا انت بتسمع صوت صراخك
....... والحل؟...
الدايرة دى محدش بيدخلها...ولا الاصوات بتسكت...ولا روحك بتستريح"




Aug 13, 2011

بحر

" بحر.. وعلى مستوى النظر مفيش شط
.. رجلك مش طايله ارض...وامواج البحر شيلاك
لا انت عارف تتحكم فيها...ولا عارف تسيب نفسك ليها
وعينك نظرتها مفزوعه....خايف على قلبك
لا انت عارف هو كده مبسوط ومغامر...؟...ولا مستسلم ومنتظر النهايه؟
وما باليد حيله... لا انت عارف انت فين؟... ولا رايح فين؟...ولا عارف انت عايز ايه؟
"
هو ده حالى...يمكن اكتر شوية
لانى مش عارفه اكتب....البحر عمى احساسى

مبقتش عارفه انا صح ولا غلط؟
مش عارفه انا ماشية فى الاتجاه اللى انا عيزاه؟
ولا انا بضيع وقتى ومجهودى وطاقتى؟....هو انا اساسا عايزة ايه؟
حتى ده مبقتش عرفاه
مبقاش عندى يقين فى حاجة....غير ان ربنا هيسترها باذن الله
......
بس

مفيش حاجة تانى ...
لكن...انا مين؟....ولا اعرف
او حتى عايزة ايه؟
.....:(

السر فى بريجيت
.....
للى ميعرفهاش هيا بطله روايه حب فى المنفى ...للرائع بهاء طاهر
مفيش غير جمله واحدة
"انا عايزة العالم ده يسيبنى فى حالى"
بس
لكن تعتقدوا ان ده سهل؟
..... ابدا طبعا
:)
....
لان العالم مصمم انه يضايقك.... وبالذات لما يعرف انك نفسك تتساب لوحدك
..
مش عارفه اكتب..ولا ااقول ...اللى اعرفه ان فى حاجة اتغيرت
مش عارفه هيا ايه؟.....ولا عارفه اتحكم فيها
ولا عارفه اغيرها
..
مش عارفه بكتب ليه؟
ولا عارفه اللى هيقرأ هيهتم بايه؟انه يعرف ده
مممم
ايوه يعنى وبعديين؟
مش عارفه حقيقى... لكن الدنيا مش بتقف
مع ان عندى امنيه بقالها فترة وبتزداد عليا
هو ينفع الواحد ياخد راحه ولو يوميين
...يعنى يدخل غيبوبة كدة ..
دماغه تقف عن التفكير
...ويستريح شوية؟
ممكن؟
....
وفى الاخر ااقدر ااقول...ان ربنا هو الحل
...
عندى مشكلة ومش عارفه بدايتها من نهايتها
..
ومفيش غير ربنا
وانا هاقول يارب
.
وربنا يستر