Apr 8, 2013

تشوش

بقالي كتير اوي مكتبتش . كبرت اوي في الفتره الي فاتت 
كبرت واتغيرت .. ومبقتش عارفه اسيطر علي اي حاجه 
كله بيحصل وكله من غير اي سيطره 
مبقتش فاهمه نفسي . ولا عارفه انا رايحه فين ولا عايزه ايه ؟
مبقتش افرح اوي ولا احزن اوي .. بقيت في مرحله متجمده من اللامبالاه 
بشتغل زي الحمار وبس 
عمري ما رضيت عن نفسي . عمرى ما حسيت اني شاطره ولا موهوبه 
شغل جديد وكل يوم بتعرض لمواقف مختلفه وبتعلم منها 
ورشه جديده واجانب حاولت اساعدهم وبقي ليا اصدقاء كتير 
وده خلاني منشغله . بس لسه مش انا 
لو كلمه تشوش ليها تجسيد . فهي أنا 
و عندي وجوايا كلام بالهبل .. عندي تجارب وعندي مشاعر تجاه حاجات كتير
وحتي مش عارفه أكتب 
خسرت ناس , وخسرني ناس 
كسبت ناس ولسه مكسبتش نفسي .