اوسكار والسيدة الوردية

عزيزي ربنا:

انا إسمي أوسكار، عندي 10 سنين،ولّعت في الكلب و القطة و البيت (و اتهيألي، إن السمك الذهبي اللي كان جوه البيت هوه كمان اتشوى من النار)، و باكتب لك لأول مرة، علشان قبل كده ما كانش عندي وقت – المدرسة بقى و انت فاهم.
من الأول احب اقولك إن أنا ما باطيقش الكتابة.باكتب بس لو ضغطوا عليّ! أصل أنا ما باطيقش لا الكسرة و لا الفتحة و لا الضمة.ما باطيقش الابتسامات الصفراء و الكذب.الكتابة – دي حاجة بتاعة الكبار.
و علشان أثبت لك اللي باقوله خد عندك مثلاً بداية الجواب بتاعي:" انا إسمي أوسكار، عندي 10 سنين،ولّعت في الكلب و القطة و البيت (و اتهيألي، إن السمك الذهبي هوه كمان اتشوى من النار)، و باكتب لك لأول مرة، علشان قبل كده ما كانش عندي وقت – علشان المدرسة."...كان ممكن أكتب لك :"الناس بتسميني يا أقرع، شكلي زي ما يكون عندي 7 سنين، عايش في المستشفى، علشان عندي سرطان، و ما كنتش باكتب لك قبل كده لأني ماكنتش أعرف إنك موجود"
لو كنت كتبت زي ما ورّيتك دلوقت، كنت هتاخد عني فكرة وحشة و ما كنتش هتاخد بالك مني و أنا الحقيقة محتاج إنك تاخد بالك مني.
و يا ريت لو عندك وقت تعمل لي خدمتين تلاتة.
هاشرح لك

هذه هى اول الكلمات التى بدأبها اوسكار خطابه الى ربنا
جميل جدا انك تحس ازاى ممكن طفل يخاطب ربنا
وأجمل انك تشوف شخص كبير يمثل انه طفل يخاطب ربنا
أدعو الجميع انه يقرأالنص لهذه المسرحية
وانه يقرأها وهو منفتح
وفعلا أشكرالممثل الرائع الى أدى دور صعب جدا فى تخيلى
وجعلنى ارغب فى انى أنظر للشروق بعين أخرى


انصح الجميع انهم يترقبوا عرض هذه المسرحية مرة اخرى
لانها لا تعوض

مسرحية أوسكار والسيدة الوردية - إيريك إيمانويل شميت
بطولة: حنان يوسف - محمد صالح
موسيقى: ي.س.باخ
رسوم: رباب حاكم
صوت:ماجد منير
ديكور:عمرو طلبة
ادارة مسرحية:عبد السلام كامل
إخراج: هاني المتناوي


http://montada.arahman.net/t7832.html
هنا تلاقوا النص كامل منتدى