مش متناسقه

تعرف ان انا كويسة
لما اكون لابسه حلقى الحمامه... ولما تكون ضوافرى مش متقرقضه
ولما احب احط روج
. بقالى فوق الشهر .. مش بحط روج
ضوافرى اختفت ... وحلقى مرمى فى العلبه مش بيطلع


..... هيك ..ليه عم تعمل هيك ؟


.. امبارح ..اتمشيت ..
شفت يافطه كبييييرة اوى .للمصريين الاحرار
كاتبيين مصر لا دينيه ولا عسكريه ..مدنية
اليافطة كانت بالابيض والاسود
وفوقها على طول فى يافطة مبهرجة..الوان ايه ؟ احمر وفوشيا وتحفه
.. لأمينه ..تُحيى حفله مش عارفه فين ؟
. المهم...انا وكأنى مضحكتش من زمان
#حقيقه
ضحكت
. حسيت مصر هشك بشك
مصر شيزوفرنيا
..وكان واحد شيك اوى
ببدله ..وواقف ساند على عربية
لقيته بص بغضب لليافطة وقالى ايه اللى بيضحك؟
قولت شكله واحد ثورى واتضايق
قولت انوره
وحتى موقفتش ثوانى .
انا شيلت السماعه من ودنى
وشاروت وقولت كلمتيين
..
بص لليافطة ..وبصلى
وقالى وانتى بقى رايحة فين؟ تعالى اوصلك
O.o
مشيت بقيت السكه... غضبانه من نفسى انىى مهزأتش امه
والنص التانى بفكر ارجع اديله على دماغ امه
.
.......


مدى ايدك ..آدى ايدى .
ده الطريق زحام
خلى قلبك ويا قلبى هتهون الالام

..

لما وصلت حلوان
لقيت الموقف كالعاده زحمة جدا
بس ان يجى ميكروباس . وواحدة حامل معاها ولد
ومتركبش
وتتزق
فجأه حسيت ان قلبى مقبوض
حسيت انى عايزة اشتم الناس كلها
. عايزة اكسر الميكروباس على اللى بيركبوه
.



...
انا خلاص
مش مبسوطة هنا
انا عايزة كوكب تانى
او حياه تانيه
.. انا موافقه ان الجيم اوفر
وانى خسرت
ومش متضايقه ولا ندمانه
بس عايزة جيم من جديد


....
كان فى حاجة هيا اللى مخليانى متماسكه
هيا اللى بتصحينى كل يوم من النوم
.هيا اللى بتخيلنى ابتسم فى عز ما انا متنيله
. مش عارفاها ايه هيا
؟ ومش عارفه راحت فين؟
ومش عارفه الاقها تانى ازاى؟

.
انا مش متناسقه مع نفسى
.
بس
.

Comments

  1. طب هنقضيها كده :(
    ما تيجي اعزمك علي الأيس كريم اللي في ذمتي بقاله كتير ؟

    ReplyDelete
  2. :)
    . مش لما احلامى تتلون ؟

    ReplyDelete
  3. هجيب لك علبة ألوان من اللي باتنين جنيه علشان تلوني فوق آيس كريم من عند العبد وكده فل قوي ومتبقيش طماعة
    الطمع وحش :D

    ReplyDelete

Post a Comment

Popular posts from this blog

بلورة

monoprint 3

فينيسيا